കൊച്ചി: കണ്ണൂർ പാനൂർ  തിരുവാൽ യു.പി സ്‌കൂളിലെ മിടുക്കർക്ക് പ്രധാന അധ്യാപികയുടെ വക വിമാനയാത്ര. വിദ്യാഭ്യാസ വകുപ്പിൻ്റെ സ്കോളർഷിപ്പ് നേടിയ 15 വിദ്യാർഥികൾക്കാണ് വിരമിക്കാൻ ദിവസങ്ങൾ ബാക്കി നിൽക്കെ, പ്രധാന അധ്യാപിക കെ.വി റംല  വിമാനയാത്രയിലൂടെ വിജയമധുരം സമ്മാനിച്ചത്. 

എൽ.എസ്.എസ് യു.എസ്.എസ് പരീക്ഷയിൽ വിജയം നേടിയ 15വിദ്യാർഥികൾക്കായിരുന്നു ഈ സുവർണാവസരം ഒരുക്കിയത്. ഇന്നലെ രാവിലെ കണ്ണൂരിൽ നിന്ന് കൊച്ചിയിലേക്ക്  പറന്നിറങ്ങിയ സംഘത്തിൽ പത്ത് അധ്യാപകരും ഉണ്ടായിരുന്നു. കൊച്ചി മെട്രോയും വിനോദകേന്ദ്രങ്ങളും സന്ദർശിച്ചാണ് സംഘം മടങ്ങിയത്. കണ്ണൂരിലെ വ്യവസായി ചിറ്റുള്ളി യൂസുഫ് ഹാജി സഹായ വാഗ്ദാനവുമായി എത്തിയതോടെയാണ് യാത്ര യാഥാർഥ്യമായത്. 

ഏറെ നാളായുള്ള വിമാനയാത്ര എന്ന ആഗ്രഹം സാധിച്ചതിന്റെ സന്തോഷത്തിലായിരുന്നു വിദ്യാർഥികൾ. വിമാനത്തിൽ പോകുന്നതിനെ കുറിച്ചുള്ള വിദ്യാർഥികളുടെ സംഭാഷണങ്ങൾ കേട്ടതിൽ നിന്നായിരുന്നു സർപ്രൈസായി ഒരു യാത്ര ഒരുക്കാൻ തയാറായതെന്നും സ്കോളർഷിപ്പ് പരീക്ഷയിൽ മികച്ച വിജയം നേടിയാൽ ഒരു സർപ്രൈസ് നൽകുമെന്ന് നേരത്തെ അറിയിച്ചിരുന്നതായും റംല ടീച്ചർ പറഞ്ഞു.

Headmistress gifts flight trip to bright students of Thiruvaal U.P. School in Panur, Kannur. Just days before her retirement,