അബൂദബി: നാട്ടിലേക്ക് പോകാനിരുന്ന ദിവസം മലപ്പുറം സ്വദേശി അബൂദബിയില്‍ നിര്യാതനായി. വളാഞ്ചേരി സ്വദേശി അബ്ദുസമദ് (52) ആണ് അബൂദബിയില്‍ മരിച്ചത്. അബൂദബി ഖസര്‍ ബഹര്‍ പാലസില്‍ ജോലി ചെയ്തുവരികയായിരുന്നു. ഇന്നലെ വൈകീട്ട് നാട്ടിലേക്ക് വരാനിരിക്കെയാണ് അന്ത്യം.

വെങ്ങാട് മേല്‍മുറി പരേതനായ പടിഞ്ഞാറേപ്പാട്ട് മാനുവിന്റെയും പടിഞ്ഞാറപ്പാട്ട് നഫീസയുടെയും മകനാണ് സമദ്.
ഭാര്യ: ആരിഫ പള്ളിമാലില്‍. മക്കള്‍: ഫാത്തിമ ആഷിയാന, ഫാത്തിമ അഫ്ശിന, നൂറ ഫാത്തിമ, നാഫിയ ഫാത്തിമ. മരുമകന്‍: മുഹമ്മദ് ഷാഫി.
നടപടിക്രമങ്ങള്‍ പൂര്‍ത്തിയാക്കി മയ്യിത്ത് നാട്ടിലെത്തിച്ച് ഇന്ന് രാവിലെ വെങ്ങാട് മേല്‍മുറി ജുമാമസ്ജിദ് ഖബര്‍സ്ഥാനില്‍ മറവുചെയ്യുമെന്ന് ബന്ധുക്കള്‍ അറിയിച്ചു.

Malayali man died in Abu Dhabi while he was about to return home