തിരുവനന്തപുരം: വയനാട് മുണ്ടക്കൈ-ചൂരൽമല ഉരുൾപൊട്ടൽ ദുരിതാശ്വാസത്തിനുള്ള സാലറി ചലഞ്ചിൽ സമ്മതപത്രം നൽകിയ സർക്കാർ ഉദ്യോഗസ്ഥരുടെ വിഹിതം മുഖ്യമന്ത്രിയുടെ ദുരിതാശ്വാസ നിധിയിലേക്ക് മാറ്റാൻ നടപടിയെടുക്കാത്ത ആറായിരത്തോളം ശമ്പള വിതരണ ഉദ്യോഗസ്ഥരുടെ (ഡി.ഡി.ഒ) ശമ്പളം തടഞ്ഞ് ധനവകുപ്പ്. 

19,421 പേരാണ് സാലറി ചലഞ്ചിന് സമ്മതപത്രം നൽകിയിട്ടും പണം നൽകാതിരുന്നത്. പ്രെവിഡന്റ് ഫണ്ടിൽനിന്നും ലീവ് സറണ്ടറിൽനിന്നും പണം നൽകാൻ സന്നദ്ധത അറിയിച്ചവരാണിവർ. ഇതിന് ജീവനക്കാരുടെ അപേക്ഷയും ബിൽ പാസാക്കാൻ അനുമതിയും വേണം. ഇതിനു തയാറാകാതെയാണ് ജീവനക്കാർ ഒഴിഞ്ഞുമാറിയത്. ജീവനക്കാരുടെ അനുമതിക്കും അപേക്ഷയ്ക്കും കാത്തുനിൽക്കാതെ എത്രയുംവേഗം പണം പിടിച്ചു ദുരിതാശ്വാസനിധിയിലേക്ക് മാറ്റാൻ ശമ്പളവിതരണ ഉദ്യോഗസ്ഥരോട് ധനവകുപ്പ് നേരത്തെ ആവശ്യപ്പെട്ടിരുന്നു. പാലിക്കാത്തവരുടെ ശമ്പളം തടയുമെന്നു മുന്നറിയിപ്പും നൽകിയിരുന്നു. ഇത് അവഗണിച്ചതിലാണ് ധനവകുപ്പ് ഡി.ഡി.ഒമാരുടെ ശമ്പളം തടഞ്ഞത്. പണം നൽകാത്തവരിൽ അയ്യായിരത്തോളംപേർ ഗസറ്റഡ് ഓഫിസർമാരാണ്.

In Wayanad, action has been taken against officials who failed to contribute their agreed share to the Salary Challenge. Despite giving prior consent, around 6,000 government employees did not pay their contribution. As a result, their salaries have been withheld by the authorities.