നിലമ്പൂര്‍: നിലമ്പൂര്‍ ഉപതെരഞ്ഞെടുപ്പില്‍ തൃണമൂല്‍ സ്ഥാനാര്‍ഥി പിവി അന്‍വറിന്റെ സ്വത്ത് വിവരങ്ങള്‍ പുറത്ത്. ആകെ 34.07 കോടി രൂപയുടെ ആസ്തിയാണ് പിവി അന്‍വറിനുള്ളത്. 20.60 കോടി രൂപയുടെ ബാധ്യതയും അന്‍വറിനുണ്ട്. നാമനിര്‍ദേശ പത്രികയോടൊപ്പം നല്‍കിയ സത്യവാങ്മൂലത്തിലാണ് ഇക്കാര്യം വെളിപ്പെടുത്തിയത്. 

25000 രൂപ കൈവശം പണമായുണ്ട്. രണ്ട് ഭാര്യമാരുടെയും പക്കല്‍ 10000 രൂപ വീതമുണ്ട്. 1.06 കോടി രൂപ വിലമതിക്കുന്ന 150 പവന്‍ ആഭരണം ഓരോ ഭാര്യമാരുടെയും പക്കലുണ്ട്. 18.14 കോടി രൂപയാണ് ജംഗമ ആസ്തി. 

2021ലെ തിരഞ്ഞെടുപ്പ് കാലത്ത് 18.57 കോടി രൂപയായിരുന്നു അന്‍വറിന്റെ ജംഗമ ആസ്തി. 16.94 കോടി രുപയായിരുന്നു ബാധ്യത.

ALSO READ: 'ജാതി സെന്‍സസ് സംവരണത്തിന്റെ പേരില്‍ കൂടുതല്‍ അഴിമതിക്ക് കാരണമാവും'; കേന്ദ്ര സര്‍ക്കാര്‍ പിന്‍മാറണമെന്ന് എന്‍എസ്എസ് 

അതേസമയം നിലമ്പൂർ ഉപതെരഞ്ഞെടുപ്പിന്റെ തിരഞ്ഞെടുപ്പ് പ്രചാരണം സജീവമാകുന്നതിനിടെ, തൃണമൂൽ കോൺഗ്രസ് നേതാവ് പി.വി. അൻവർ, എൽഡിഎഫ് സ്ഥാനാർഥി എം. സ്വരാജ്, യുഡിഎഫ് സ്ഥാനാർഥി ആര്യാടൻ ഷൗക്കത്ത് എന്നിവർ നാമനിർദേശ പത്രികകൾ സമർപ്പിച്ചു. ബിജെപി സ്ഥാനാർഥി മോഹൻ ജോർജും ഇന്ന് പത്രിക സമർപ്പിക്കും. നാമനിർദേശ പത്രിക സമർപ്പിക്കാനുള്ള അവസാന ദിവസമാണ് ഇന്ന്.

പി.വി. അൻവർ: ജനകീയ പ്രതിപക്ഷ മുന്നണിയുമായി മത്സരം

പി.വി. അൻവർ, ജനകീയ പ്രതിപക്ഷ പ്രതിരോധ മുന്നണിയുടെ ബാനറിൽ, തൃണമൂൽ കോൺഗ്രസിന്റെ ചിഹ്നത്തിനൊപ്പം സ്വതന്ത്ര ചിഹ്നത്തിനും അപേക്ഷിച്ചാണ് മത്സരിക്കുന്നത്. നിലമ്പൂർ ചന്തക്കുന്നിൽ നിന്ന് ആരംഭിച്ച റോഡ് ഷോയ്ക്ക് ശേഷം, തൃണമൂൽ നേതാവ് ഇ.എ. സുകു, ഓട്ടോ ഡ്രൈവർ സലാഹുദ്ദീൻ, കർഷകൻ സജി, വഴിയോര കച്ചവടക്കാരൻ ഷബീർ എന്നിവർക്കൊപ്പം നിലമ്പൂർ തഹസിൽദാർ എം.പി. ബിന്ദുവിന് മുന്നിൽ പത്രിക സമർപ്പിച്ചു. തൃണമൂൽ കോൺഗ്രസ് കേരളത്തിൽ രജിസ്റ്റർ ചെയ്തിട്ടില്ലാത്തതിനാൽ, ചിഹ്നം ലഭിച്ചില്ലെങ്കിൽ സ്വതന്ത്ര ചിഹ്നത്തിൽ മത്സരിക്കുമെന്ന് അൻവർ വ്യക്തമാക്കി. “പ്രതിപക്ഷ നേതാവ് വി.ഡി. സതീശൻ യുഡിഎഫിന്റെ വാതിലുകൾ അടച്ചതോടെ, ജനങ്ങൾക്ക് വേണ്ടി പുതിയ മുന്നണി രൂപീകരിച്ചു. ആം ആദ്മി പാർട്ടിയുമായി ചേർന്ന് മൂന്നാം മുന്നണിയായി വളരും,” അൻവർ പറഞ്ഞു.

Nilambur by-election, the asset details of Trinamool candidate P.V. Anvar have been revealed. P.V. Anvar owns total assets worth ₹34.07 crore and has liabilities amounting to ₹20.60 crore.