കുവൈത്ത് സിറ്റി: കുവൈത്തില്‍ ഉച്ചസമയത്ത് പുറംജോലികള്‍ക്കുള്ള നിരോധനം ഇന്നുമുതല്‍ പ്രാബല്യത്തില്‍. രാജ്യത്ത് വേനല്‍ താപനില കുതിച്ചുയരുന്നതിനാല്‍ ആഗസ്റ്റ് മാസം അവസാനം വരെ നിരോധനം തുടരും. ഈ വര്‍ഷം ഗള്‍ഫ് മേഖലയില്‍ ഏറ്റവും കൂടുതല്‍ താപനില രേഖപ്പെടുത്തിയ രാജ്യങ്ങളിലൊന്നാണ് കുവൈത്ത്.

കുവൈത്ത്: അബുഹലീഫയിൽ അപ്പാർട്ട്മെന്റിൽ തീപിടിത്തം; ഒരാൾക്ക് പരിക്ക്

ജൂണ്‍, ജൂലൈ, ആഗസ്റ്റ് മാസങ്ങളില്‍ എല്ലാ ദിവസവും രാവിലെ പതിനൊന്നു മണി മുതല്‍ വൈകുന്നേരം 4 മണി വരെ പുറംജോലി നിരോധിച്ചിരിക്കുന്നുവെന്ന് പബ്ലിക് അതോറിറ്റി ഫോര്‍ മാന്‍പവര്‍ അറിയിച്ചു.

ചൂട് മൂലമുണ്ടാകുന്ന സമ്മര്‍ദ്ധത്തില്‍ നിന്നും മോശം കാലാവസ്ഥ മൂലമുണ്ടാകുന്ന മറ്റ് ആരോഗ്യ പ്രശ്‌നങ്ങളില്‍ നിന്നും തൊഴിലാളികളെ സുരക്ഷിതരാക്കാന്‍ വേണ്ടിയാണ് കുവൈത്ത് സര്‍ക്കാര്‍ നിയമം നടപ്പിലാക്കുന്നത്. 

തൊഴിലുടമകള്‍ നിയമം പാലിക്കുന്നുണ്ടെന്ന് ഉറപ്പാക്കാന്‍ തൊഴില്‍സ്ഥങ്ങളിലും മറ്റും നിര്‍മ്മാണസ്ഥലങ്ങളിലും പരിശോധനാസംഘങ്ങള്‍ സന്ദര്‍ശനം നടത്തും.

ലൈസൻസില്ലാതെ മെഡിക്കൽ ക്ലിനിക്ക് നടത്തിയ ​മല​യാ​ളി വ​നി​ത അ​റ​സ്റ്റി​ൽ 
ഉച്ചസമയത്തെ ജോലി നിരോധനം ലംഘിക്കുന്നതായി കണ്ടെത്തിയാല്‍ തൊഴിലുടമകള്‍ക്ക് പിഴയും നിര്‍മ്മാണ പ്രവൃത്തികള്‍ നിര്‍ത്തിവയ്ക്കലും ഉള്‍പ്പെടെയുള്ള നിയമപരമായ ശിക്ഷകള്‍ നേരിടേണ്ടിവരും.

വേനല്‍ക്കാല മാസങ്ങളില്‍ ദേശീയ ആരോഗ്യ, തൊഴില്‍ മാനദണ്ഡങ്ങള്‍ പാലിക്കേണ്ടതിന്റെ പ്രാധാന്യം ഊന്നിപ്പറഞ്ഞുകൊണ്ട്, ജോലി സമയക്രമങ്ങള്‍ അതിനനുസരിച്ച് ക്രമീകരിക്കാനും തൊഴിലാളികളുടെ സുരക്ഷയ്ക്ക് മുന്‍ഗണന നല്‍കാനും അധികൃതര്‍ കമ്പനികളോട് ആവശ്യപ്പെട്ടു.

Kuwait enforces a summer afternoon outdoor work ban starting today, aiming to safeguard workers from extreme heat. The ban will remain in effect until August 31.