കൊച്ചി: എറണാകുളം ഞാറക്കൽ വളപ്പ് ബീച്ചിൽ കടലിൽ കുളിക്കാനിറങ്ങിയ യമൻ പൗരന്മാരായ സഹോദരങ്ങളെ കാണാതായി. ജുബ്രാൻ, അബ്ദുൽസലാം എന്നിവരാണ് തിരയിൽപ്പെട്ട് കാണാതായത്. കോയമ്പത്തൂരിൽ നിന്നെത്തിയ ഏഴംഗ വിദ്യാർഥി സംഘത്തോടൊപ്പം കടലിൽ കുളിക്കാനിറങ്ങിയതായിരുന്നു ഇവർ.

മത്സ്യത്തൊഴിലാളികൾ കരയിലേക്ക് മടങ്ങാൻ ആവശ്യപ്പെട്ടെങ്കിലും ഇവർ വഴങ്ങാതിരുന്നതിനെ തുടർന്ന് തിരയിൽ അകപ്പെടുകയായിരുന്നു. സംഭവത്തെക്കുറിച്ച് അറിഞ്ഞയുടൻ പൊലീസ്, ഫയർഫോഴ്‌സ്, കോസ്റ്റൽ പൊലീസ് എന്നിവർ സ്ഥലത്തെത്തി തെരച്ചിൽ ആരംഭിച്ചു.

കോയമ്പത്തൂർ രത്നം കോളേജിലെ വിദ്യാർഥികളാണ് കാണാതായ ജുബ്രാനും അബ്ദുൽസലാമും. തെരച്ചിൽ ഊർജിതമായി തുടരുകയാണ്.