ഏതൊരു അടുക്കളത്തോട്ടമാണെങ്കില്‍ അവിടെ ഏറ്റവും കൂടുതല്‍ ഉണ്ടാവുക തക്കാളി വളര്‍ത്തലായിരിക്കും. എല്ലാവര്‍ക്കും നല്ല തുടുത്ത ചുവന്ന നീരുള്ള തക്കാളി വളര്‍ത്താനാണ് താല്‍പര്യം. തക്കാളിച്ചെടി വീട്ടിനുള്ളില്‍ വയ്ക്കുകയാണെങ്കില്‍ ഏറ്റവും അനുയോജ്യമായ 

 അനുയോജ്യമായ സമയം വസന്തകാലവും വേനല്‍കാലത്തിന്റെ തുടക്കവുമാണ്. പകല്‍സമയത്തെ താപനില 60 ഡിഗ്രി ഫാരന്‍ഹീറ്റിന് മുകളിലും രാത്രിയിലെ താപനില 50 ഡിഗ്രി ഫാരന്‍ഹീറ്റിനു മുകളിലുമായിരിക്കണം. 

സമ്പുഷ്ടമായ വിളവെടുപ്പ് കിട്ടാനായി തക്കാളിച്ചെടികള്‍ക്ക് ആറോ എട്ടോ മണിക്കൂര്‍ വരെ നേരിട്ടുളള സൂര്യപ്രകാശവും നല്ല മണ്ണും ആവശ്യത്തിനുള്ള വെള്ളവും നല്‍കണം. 

നല്ല മണ്ണും ശരിയായ വളവും തക്കാളിക്ക് ആവശ്യമാണ്. നീര്‍വാര്‍ച്ചയുള്ള മണ്ണും നൈട്രജനും ഫോസ്ഫറസും അടങ്ങിയ വളവും ആവശ്യമാണ്. തണുപ്പുള്ള മണ്ണിലാണെങ്കില്‍ തക്കാളി സാവധാനത്തില്‍ വളരുകയും രാത്രിയിലെ താപനില 55 ഡിഗ്രിയില്‍ താഴെയാണെങ്കില്‍ തക്കാളി കായ്ക്കാന്‍ ബുദ്ധിമുട്ടാവും. 

തക്കാളി നടുന്ന പാത്രത്തിന് അല്ലെങ്കില്‍ ചട്ടിക്ക്  അവ വളരാനുള്ള മതിയായ ഇടമുണ്ടെന്ന് ഉറപ്പാക്കണം. അതുപോലെ ചെടികള്‍ക്ക് പതിവായി ആവശ്യത്തിനുള്ള വെളളവും നല്‍കണം. തക്കാളി വെള്ളത്തിന്റെ പിഎച്ച് ഏകദേശം 6 ആയിരിക്കണം. 

സൂര്യപ്രകാശമേറ്റു തക്കാളിപ്പഴങ്ങള്‍ വളരുമ്പോള്‍ അവയുടെ രുചി വര്‍ധിക്കുന്നു. പഴുത്ത പഴങ്ങളിലേക്ക് സൂര്യപ്രകാശം എത്തുന്നതിനായി ഇലകള്‍ വെട്ടിമാറ്റിക്കൊടുക്കുക. 

തക്കാളിയുടെ ഇലകളാണ് തക്കാളിക്ക് രുചി നല്‍കുന്നതും ഗ്ലൂക്കോസ് ഉല്‍പാദിപ്പിക്കുകയും ഫോട്ടോ സിന്തസിസ് ചെയ്യുകയും ചെയ്യുന്നത്. ഇലകള്‍ കുറഞ്ഞാലും തക്കാളിയുടെ മധുരം കുറവായിരിക്കും. അതുകൊണ്ട് ശ്രദ്ധിക്കുക.