റിയാദ്: സഊദിയുടെ കിഴക്കന്‍ പ്രവിശ്യയിലുള്ള ദഹ്‌റാനില്‍ ഒരു പൗരനെ കൊലപ്പെടുത്തി ഇയാളുടെ ഭാര്യയെ ഗുരുതരമായി പരുക്കേല്‍പ്പിച്ച കേസില്‍ പ്രതിയായ ഈജിപ്ഷ്യന്‍ പൗരനെ സഊദി സുരക്ഷാ സേന അറസ്റ്റ് ചെയ്തു.

ALSO READ: ഗള്‍ഫ് രാജ്യങ്ങളില്‍ ഇന്ന് ഈദുല്‍ അദ്ഹ; ബലി പെരുന്നാളും വെള്ളിയാഴ്ചയും ഒന്നിച്ചുവന്ന സന്തോഷത്തില്‍ | Gulf countries celebrating Eid al Adha today

സംഭവം നടന്നതിന് തൊട്ടുപിന്നാലെ കിഴക്കന്‍ മേഖല പൊലിസ് പ്രതിയെ അറസ്റ്റ് ചെയ്തതായും കൂടുതല്‍ നിയമനടപടികള്‍ക്കായി പ്രതിയെ പബ്ലിക് പ്രോസിക്യൂഷന് കൈമാറിയതായും അധികൃതര്‍ അറിയിച്ചു.
 
ഒന്നിലധികം കുത്തേറ്റ ഇരയുടെ ഭാര്യയെ ആശുപത്രിയില്‍ പ്രവേശിപ്പിച്ചെങ്കിലും അവരുടെ ആരോഗ്യനില ഇപ്പോഴും ഗുരുതരമായി തുടരുകയാണ്.

സഊദി പബ്ലിക് സെക്യൂരിറ്റി തങ്ങളുടെ ഔദ്യോഗിക എക്‌സ് അക്കൗണ്ടില്‍ പോസ്റ്റ് ചെയ്ത പ്രസ്താവനയില്‍ അറസ്റ്റ് സ്ഥിരീകരിച്ചു: 'ദഹ്‌റാന്‍ നഗരത്തില്‍ ഒരു പൗരനെ കൊലപ്പെടുത്തുകയും ഇരയുടെ ഭാര്യയെ പലതവണ കുത്തി പരുക്കേല്‍പ്പിക്കുകയും ചെയ്ത ഈജിപ്ഷ്യന്‍ പൗരനെ സുരക്ഷാ അധികൃതര്‍ അറസ്റ്റ് ചെയ്തു, ഇരയുടെ ഭാര്യയുടെ നില ഗുരുതരമാണ്.'

ALSO READ: Eid Celebration in Gulf: ഗള്‍ഫ് നാടുകളില്‍ ബലി പെരുന്നാള്‍ നിസ്‌കാരം കഴിഞ്ഞു, ഇനി ആഘോഷങ്ങളുടെ മണിക്കൂറുകള്‍; ഉച്ചയ്ക്ക് ജുമുഅയും | നിസ്‌കാര ചിത്രങ്ങള്‍ കാണാം

പ്രാഥമിക അന്വേഷണത്തില്‍ പ്രതിക്ക് ഇരയെ വ്യക്തിപരമായി അറിയാമായിരുന്നുവെന്നും കവര്‍ച്ച നടത്തുക എന്ന ഉദ്ദേശ്യത്തോടെയാണ് ആക്രമണം നടത്തിയതെന്നും സൂചനയുണ്ട്. ഈജിപ്തില്‍ പ്രതിക്ക് സാമ്പത്തിക ബുദ്ധിമുട്ടുകള്‍ അനുഭവപ്പെട്ടിരുന്നുവെന്നും റിപ്പോര്‍ട്ടുകള്‍ സൂചിപ്പിക്കുന്നു.

A suspect has been arrested for the murder of a Saudi citizen during a failed robbery attempt. Authorities are investigating the incident, which has sparked public outrage and calls for justice.