തിരുവനന്തപുരം: പ്രവേശനോത്സവച്ചടങ്ങില്‍ മുഖ്യാതിഥിയായി പോക്‌സോ കേസ് പ്രതി. പോക്‌സോ കേസ് പ്രതിയായ മുകേഷ് എം. നായരായിരുന്നു അതിഥി. നഗരത്തിലെ പുരാതനമായ എയ്ഡഡ് സ്‌കൂളായ തിരുവനന്തപുരം ഫോര്‍ട്ട് ഹൈസ്‌കൂളില്‍ നടന്ന പ്രവേശനോത്സവത്തില്‍ മുഖ്യാതിഥിയായാണ് മുകേഷ് എം. നായര്‍ എത്തിയത്. പോക്‌സോ കേസില്‍ ഉള്‍പെട്ട വിവാദ യൂട്യൂബറെ മുഖ്യാതിഥിയാക്കിയ സ്‌കൂള്‍ നടപടി വിവാദത്തിലായതിന് പിന്നാലെ വിദ്യാഭ്യാസ മന്ത്രി വിശദീകരണം തേടിയിട്ടുണ്ട്.  

സ്‌കൂളില്‍നിന്ന് പത്താം ക്ലാസ് പരീക്ഷയില്‍ ഉന്നതവിജയം നേടിയ കുട്ടികള്‍ക്ക് ഉപഹാരം നല്‍കാനാണ് പോക്‌സോ കോടതിയില്‍നിന്ന് ഉപാധികളോടെ ജാമ്യത്തിലിറങ്ങിയ ഇയാള്‍ എത്തിയത്. പ്രായപൂര്‍ത്തിയാകാത്ത പെണ്‍കുട്ടിയെ അര്‍ദ്ധനഗ്‌നയാക്കി വീഡിയോ ചിത്രീകരിച്ച കേസിലാണ് മുകേഷ് എം. നായര്‍ പ്രതി ചേര്‍ക്കപ്പെട്ടത്.

ALSO READ: സഹായത്തിനായി വരിനില്‍ക്കുന്നവരെ കൊന്നൊടുക്കുന്ന ഇസ്‌റാഈല്‍; സംഭവത്തില്‍ അന്വേഷണം ആവശ്യപ്പെട്ട് യു.എന്‍

പോക്‌സോ കേസില്‍ ഉള്‍പ്പെട്ട അധ്യാപകരെ സര്‍വിസില്‍ നിന്ന് നീക്കം ചെയ്യുന്നതടക്കം കര്‍ശന നിലപാടുകള്‍ പൊതുവിദ്യാഭ്യാസ വകുപ്പ് സ്വീകരിക്കുന്നതിനിടെയാണ് സ്‌കൂളിന്റെ നടപടി. വിദ്യാഭ്യാസ വകുപ്പിന് തന്നെ കളങ്കമുണ്ടാക്കുന്നതാണ് ഈ നടപടി. എന്നാല്‍ സ്‌കൂളിലെ കുട്ടികള്‍ക്ക് പഠനോപകരണങ്ങള്‍ വിതരണം ചെയ്യാനെത്തിയ സംഘടനയാണ് മുകേഷ് എം. നായരെ മുഖ്യാതിഥിയായി എത്തിച്ചതെന്നാണ് സ്‌കൂള്‍ അധികൃതര്‍ നല്‍കുന്ന വിശദീകരണം. 

റിട്ടയര്‍ഡ് അസിസ്റ്റന്റ് കമ്മീഷണര്‍ സുനില്‍ ഒ.എ, ഫോര്‍ട്ട് വാര്‍ഡ് കൗണ്‍സിലര്‍ ജാനകി അമ്മാളും ഉള്‍പെടെയുള്ളവര്‍ ഫോര്‍ട്ട് ഹൈസ്‌കൂളില്‍ നടന്ന പ്രവേശനോത്സവത്തില്‍ പങ്കെടുത്തിരുന്നു.

A major controversy erupted in Thiruvananthapuram after a POCSO case accused, Mukesh M. Nair, attended a school reopening event as the chief guest. The Education Minister has sought an explanation from the school for inviting the controversial YouTuber out on bail for a child abuse case.