ദോഹ: ഖത്തറിലെ ബാങ്കുകൾ, ധനകാര്യ സ്ഥാപനങ്ങൾ എന്നിവക്കുള്ള ബലിപെരുന്നാൾ അവധി പ്രഖ്യാപിച്ചു. ഇന്നലെയാണ് ഖത്തർ സെൻട്രൽ ബാങ്ക് (QCB) ഇതു സംബന്ധിച്ച‌ ഔദ്യോഗിക അറിയിപ്പ് നൽകിയത്. അറിയിപ്പ് പ്രകാരം, QCB-യുടെ നിയന്ത്രണത്തിലുള്ള എല്ലാ ബാങ്കുകളും ധനകാര്യ സ്ഥാപനങ്ങളും 2025 ജൂൺ അഞ്ച് (വ്യാഴാഴ്ച) മുതൽ ജൂൺ ഒമ്പത് (തിങ്കളാഴ്ച) വരെ അവധിയായിരിക്കും.

تعميم عطلة عيد الأضحى المبارك.#مصرف_قطر_المركزي#عيد_الأضحى_المبارك_قطر #EidAlAdhaQatar pic.twitter.com/OM3X9Xcn03

— مصرف قطر المركزي (@QCBQATAR) June 2, 2025

ഈദുൽ അദ്ഹ ആഘോഷങ്ങൾക്ക് ശേഷം ഈ സ്ഥാപനങ്ങൾ ജൂൺ 10 (ചൊവ്വാഴ്ച) മുതൽ സാധാരണ രീതിയിൽ പ്രവർത്തനം പുനരാരംഭിക്കും. ഖത്തർ ഫിനാൻഷ്യൽ മാർക്കറ്റ് അതോറിറ്റിയുടെ കീഴിലുള്ള സ്ഥാപനങ്ങളും ഈ അവധി പാലിക്കും എന്ന് QCB വ്യക്തമാക്കിയിട്ടുണ്ട്.

അതേസമയം, ഖത്തറിലെ പൊതു മേഖല ജീവനക്കാർക്കുള്ള ബലിപെരുന്നാൾ അവധിദിനങ്ങൾ നേരത്തെ തന്നെ പ്രഖ്യാപിച്ചിരുന്നു. ഞായറാഴ്ചയാണ് ഇതുമായി ബന്ധപ്പെട്ട ഔദ്യോ​ഗിക വിജ്ഞാപനം പുറത്തിറക്കിയത്. വിജ്ഞാപന പ്രകാരം, ഖത്തറിലെ പൊതു മേഖല ജീവനക്കാർക്ക് ഈ വർഷത്തെ ബലിപെരുന്നാൾ അവധി ആരംഭിക്കുന്നത് വ്യാഴാഴ്ചയാണ് (2025 ജൂൺ 5).

2025 ജൂൺ അഞ്ച് മുതൽ ജൂൺ ഒമ്പത് വരെ ഖത്തറിലെ സർക്കാർ വകുപ്പുകൾ, പൊതുസ്ഥാപനങ്ങൾ, മന്ത്രാലയങ്ങൾ തുടങ്ങിയവ ബലിപെരുന്നാൾ അവധി ആചരിക്കും. അവധിയ്ക്ക് ശേഷം ജൂൺ10ന് സ്ഥാപനങ്ങൾ പ്രവർത്തനമാരംഭിക്കും.

The Qatar Central Bank (QCB) has officially declared a five-day Eid al-Adha holiday for all banks and financial institutions under its supervision. The break will run from June 5 (Thursday) to June 9 (Monday), with normal operations resuming on June 10 (Tuesday). Online banking and ATM services will remain available during this period. Stay updated with official announcements for any changes.