വീട്ടില്‍ എസിയോ കൂളറോ ഉപയോഗിക്കുന്നവരാണ് മിക്കവരും. പ്രത്യേകിച്ചു ചൂടുള്ള കാലാവസ്ഥയില്‍. ചൂടുകൊണ്ടുണ്ടാവുന്ന അസ്വസ്ഥത പെട്ടെന്നു തന്നെ മാറ്റാന്‍ എസിയുടെയും കൂളറിന്റെയും വായു എളുപ്പമാര്‍ഗമാണ്. എന്നാല്‍ എസി ഉപയോഗിക്കുന്നവരും കൂളറുപയോഗിക്കുന്നവരും പറയുന്ന പരാതി ഉറങ്ങി എഴുന്നേല്‍ക്കുമ്പോള്‍ മുഖത്ത് വീക്കമുണ്ടാവുന്നു എന്നാണ്. എന്താണ് ഇതിന്റെ കാരണം എന്നറിയുമോ? 

ഈര്‍പ്പം

എസിയില്‍നിന്നും കൂളറില്‍ നിന്നും വരുന്ന വായു മുറിയിലെ ഈര്‍പ്പം വലിച്ചെടുക്കുന്നു. ഇത് ചര്‍മത്തിലെ വരള്‍ച്ചയ്ക്കും വീക്കത്തിനും കാരണമാവുന്നു. ഇതു കാരണം ആളുകളുടെ മുഖം വീര്‍ത്തതായി തോന്നിയേക്കാം. 
തണുത്ത താപനിലയാകുമ്പോള്‍ രക്തക്കുഴലുകള്‍ ചുരുങ്ങുകയും മുഖത്ത് രക്തവും നീരും അടിഞ്ഞു കൂടുകയും ചെയ്യും. അതുകാരണം മുഖത്ത് വീക്കം അനുഭവപ്പെടാം. 

അലര്‍ജി 

എസിയിലോ കൂളറിലോ കുറേ സമയം ഇരിക്കുകയാണെങ്കില്‍ ചര്‍മത്തിന് വരള്‍ച്ചയനുഭവപ്പെടുകയും എസിയുടെ ഫില്‍ട്ടറില്‍ അടിഞ്ഞുകൂടിയ പൊടി അലര്‍ജിക്ക് കാരണമാവുകയും ചെയ്യും. ഇതുകാരണം ചര്‍മത്തില്‍ ഇറിറ്റേഷന്‍, ചുവപ്പ് കളര്‍, വീക്കം എന്നിവയുമുണ്ടാവാം. ഇതുകാരണവും മുഖം വീര്‍ത്തതായി അനുഭവപ്പെടുന്നു.

വെള്ളത്തിന്റെ കുറവ്

തണുത്ത അന്തരീക്ഷത്തില്‍ ഉറങ്ങുമ്പോള്‍ ശരീരത്തിലെ നിര്‍ജലീകരണം കുറയ്ക്കും. ഇതുകാരണം ശരീരത്തില്‍ ദ്രാവകം അടിഞ്ഞുകൂടുകയും മുഖത്ത് വീക്കം അനുഭവപ്പെടുകയും ചെയ്യും. 

ഉപ്പ്

രാത്രിയില്‍ ഉപ്പിലിട്ടതോ അതുപോലെയുള്ള മറ്റു ഭക്ഷണങ്ങളോ കഴിച്ച് കൂളറിലോ എസിയിലോ ഉറങ്ങിയാല്‍ വീക്കം വര്‍ധിക്കും. ഉപ്പ് ശരീരത്തില്‍ വെള്ളം അടിഞ്ഞുകൂടുന്നു. ഇത് വീക്കം ഉണ്ടാക്കുന്നതാണ്. തണുത്ത വായവുലും ഇത് കൂടുന്നതാണ്.