അഹമ്മദാബാദ്: 2025 ഐപിഎൽ ജേതാക്കൾ ആരാണെന്നറിയാനുള്ള ആകാംക്ഷയിലാണ് ക്രിക്കറ്റ് ലോകം. ഇന്ന് ഗുജറാത്തിലെ അഹമ്മദാബാദ് നരേന്ദ്രമോദി സ്റ്റേഡിയത്തിൽ നടക്കുന്ന കലാശ പോരാട്ടത്തിൽ റോയൽ ചലഞ്ചേഴ്സ് ബെംഗളൂരുവും പഞ്ചാബ് കിങ്സുമാണ് ഏറ്റുമുട്ടുന്നത്.

നീണ്ട 18 വർഷത്തെ കിരീടം വരച്ച അവസാനിപ്പിക്കാനാണ് ഇരു ടീമുകളും ഇന്ന് കളത്തിൽ ഇറങ്ങുന്നത്. നാളത്തെ ഫൈനൽ പോരാട്ടത്തിൽ ഏത് ടീം വിജയിച്ചാലും പുതിയ ചാമ്പ്യന്മാരെ ആയിരിക്കും ഐപിഎല്ലിന് ലഭിക്കുക. ക്വാളിഫയർ വണ്ണിൽ പഞ്ചാബിനെ വീഴ്ത്തിയാണ് ആർസിബി ഫൈനലിലേക്ക് യോഗ്യത നേടിയത്. മറുഭാഗത്ത് ക്വാളിഫയർ രണ്ടിൽ മുംബൈ ഇന്ത്യൻസിനെ തകർത്താണ് പഞ്ചാബ് ഫൈനൽ യോഗ്യത ഉറപ്പിച്ചത്.

ടൂർണമെന്റിൽ ചാമ്പ്യന്മാരാവുന്ന ടീമിനും റണ്ണേഴ്‌സ് ആപ്പിനും വലിയ തുകകളാണ് ലഭിക്കുക. കിരീടം നേടുന്ന ടീമിന് 20 കോടി രൂപ ലഭിക്കുമ്പോൾ 13 കൊടിയുമാണ് ലഭിക്കുക. പ്ലേ ഓഫിലെത്തിയ മറ്റ് രണ്ട് ടീമുകൾക്കും തുകകൾ ലഭിക്കും. രണ്ടാം ക്വാളിഫയർ വരെ മുന്നേറിയ മുംബൈ ഇന്ത്യൻസിന് ഏഴ് കോടി രൂപയും എലിമിനേറ്ററിൽ പുറത്തായ ഗുജറാത്ത് ടൈറ്റൻസിന് മൂന്ന് കോടി രൂപയും ലഭിക്കും. 

ഈ സീസണിൽ മൂന്നുതവണ ഇരുടീമുകളും ഏറ്റുമുട്ടിയപ്പോൾ രണ്ടുതവണ ജയം ബംഗളൂരുവിനൊപ്പമായിരുന്നു. ആർ.സി.ബിയുടെ തട്ടകമായ ചിന്നസ്വാമിയിൽ മാത്രമാണ് പഞ്ചാബ് വിജയിച്ചത്. ബംഗളൂരുവിന്റെ ബാറ്റിങ്ങും ബൗളിങ്ങും ഒരുപോലെ കരുത്തുറ്റതാണ്. 
പഞ്ചാബിന് നേരിടാനുള്ളത് ജോഷ് ഹാസൽവുഡ് എന്ന പേസറെയാണ്. സെമിയിൽ പഞ്ചാബിനെ തകർത്തതും ഹാസൽവുഡാണ്. സുയാഷ് ശർമയെയും സമർത്ഥമായി ടീമിന് നേരിടേണ്ടി വരും. 

ബാറ്റിങ്ങ് നിരയാണ് ഇരുടീമുകളെയും കരുത്ത്. വിരാട് കോഹ്‌ലിയും, ഫിൽ സാൾട്ടും വരുന്ന ഓപ്പണിങ് നിര പവർപ്ലേയിൽ വമ്പൻ സ്‌കോർ നേടാൻ ബംഗളൂരുവിനെ സഹായിക്കും. ഇവരെ തുടക്കത്തിലേ പുറത്താക്കിയാൽ പഞ്ചാബിന് സാധ്യതയുണ്ട്. മധ്യനിരയിൽ രജത് പാട്ടീദാർ, ജിതേഷ് ശർമ, ലിയാം ലിവിങ്സ്റ്റൺ, ടിം ഡേവിഡ് എന്നിവരുടെ കരുത്തുറ്റ സാന്നിധ്യമുണ്ട്. 

പഞ്ചാബിന്റെ ബൗളിങ് നിര മാർക്കോ യാൻസൻ പോയതോടെ ദുർബലമാണ്. കൈൽ ജാമിസൻ, വൈശാഖ്, എന്നിവർ കൂടുതൽ മികവ് കാണിക്കണം. യുസവേന്ദ്ര ചാഹലും അതുപോലെ നിർണായകമാകും. അർഷ്ദീപ് സിങ് മികച്ച ഫോമിലാണ്. എന്നാൽ മുംബൈക്കെതിരേ താരം തീർത്തും നിറം മങ്ങിയിരുന്നു. അതേസമയം പഞ്ചാബിന് ബാറ്റിങ് നിരയിൽ ആശങ്കയില്ല. 

പ്രിയാൻഷ് ആര്യ, പ്രഭ്‌സിമ്രാൻ സിങ് എന്നിവർ വമ്പൻ ഇന്നിങ്‌സ് കളിക്കുമെന്നാണ് ടീം പ്രതീക്ഷ. നിഹാൽ വദേര, ശ്രേയസ് അയ്യർ, ജോഷ് ഇംഗ്ലിസ്, ശശാങ്ക് സിങ്, എന്നിവർ മധ്യനിര സുരക്ഷിതമാക്കുന്നു. ഫീൽഡിങ്ങും കൂടി നിലവാരത്തിലേക്ക് ഉയർന്നാൽ പഞ്ചാബിന് ആശങ്കകൾ പരിഹരിക്കാം.

2025 IPL All four teams will be called up Huge prize money for champions and runners-up