ഡൽഹി: ഡൽഹിയിലെ ഔദ്യോഗിക വസതിയിൽ നിന്ന് പണം കണ്ടെത്തിയതുമായി ബന്ധപ്പെട്ട അന്വേഷണത്തിന്റെ പശ്ചാത്തലത്തിൽ ജസ്റ്റിസ് യശ്വന്ത് വർമ്മയ്‌ക്കെതിരെ ഇംപീച്ച്‌മെന്റ് നടപടികൾ ആരംഭിക്കാൻ കേന്ദ്ര സർക്കാർ തയ്യാറാവുന്നു. അടുത്ത പാർലമെന്റ് സമ്മേളനത്തിലാണ് ഇതുമായി ബന്ധപ്പെട്ട പ്രമേയം അവതരിപ്പിക്കാൻ സർക്കാർ ഒരുങ്ങുന്നത്.

ഡൽഹി ഹൈക്കോടതിയിലെ ജഡ്ജിയായിരുന്ന യശ്വന്ത് വർമ്മയുടെ ഔദ്യോഗിക വസതിയിൽ മാർച്ച് 14നാണ് വലിയ അളവിൽ പണം കണ്ടെത്തിയത്. സംഭവം പുറത്തായതിനു പിന്നാലെ അദ്ദേഹത്തെ അലഹബാദ് ഹൈക്കോടതിയിലേക്ക് സ്ഥലംമാറ്റിയെങ്കിലും അദ്ദേഹം രാജിവെയ്ക്കാൻ തയ്യാറായില്ല.

ഈ സാഹചര്യത്തിൽ സുപ്രീം കോടതി നിയോഗിച്ച അന്വേഷണ സമിതി നടത്തിയ പ്രാഥമിക പരിശോധനയിൽ ജഡ്ജിയുടെ വസതിയിൽ നിന്ന് പണം കണ്ടെത്തിയതായി സ്ഥിരീകരിച്ചു. മുൻ ചീഫ് ജസ്റ്റിസ് സഞ്ജീവ് ഖന്നയുടെ നേതൃത്വത്തിലുള്ള സമിതി തയ്യാറാക്കിയ റിപ്പോർട്ട് രാഷ്ട്രപതി ദ്രൗപതി മുർമുവിനും പ്രധാനമന്ത്രി നരേന്ദ്ര മോദിക്കും കൈമാറിയിരുന്നു.

റിപ്പോർട്ട് ലഭിച്ച ശേഷം ആഭ്യന്തര മന്ത്രി അമിത് ഷാ, നിയമ മന്ത്രി അർജുൻ റാം മേഘവാൾ എന്നിവർ രാഷ്ട്രപതിയെ നേരിൽ കണ്ട് ഇംപീച്ച്‌മെന്റ് നടപടികൾക്ക് തുടക്കം കുറിച്ചു. ജസ്റ്റിസ് യശ്വന്ത് വർമ്മ രാജിവെയ്ക്കാനില്ലെന്ന നിലപാടിൽ ഉറച്ചതോടെ കേന്ദ്ര സർക്കാർ ഇംപീച്ച്മെന്റ് വഴിയിലേക്ക് കടന്നത്.

The Central government is set to initiate impeachment proceedings against Justice Yashwant Verma following the discovery of unaccounted cash from his official residence while serving in the Delhi High Court. Despite being transferred to the Allahabad High Court, Verma refused to resign. The move comes after a Supreme Court-appointed inquiry committee confirmed the seizure, and a report was sent to the President and Prime Minister. The impeachment motion is likely to be tabled in the upcoming Parliament session.