പട്‌ന: ബിഹാറിലെ സീതാമര്‍ഹി ജില്ലയിലെ മല്ലഹി ഗ്രാമത്തില്‍ ചോക്ലേറ്റ് മോഷ്ടിച്ച അഞ്ച് ആണ്‍കുട്ടികളെ നഗ്‌നരാക്കി തെരുവിലൂടെ നടത്തി കടയുടമ. കുട്ടികളുടെ കഴുത്തില്‍ ചെരുപ്പ് മാല അണിയിച്ചാണ് കടയുടമ കുട്ടികളെ തെരുവിലൂടെ നടത്തിയത്.

ഈ സംഭവത്തിന്റെ വീഡിയോ ക്യാമറയില്‍ ചിത്രീകരിച്ച കടയുടമ കുട്ടികളോട് അവരുടെയും അവരുടെ പിതാക്കന്‍മാരുടെയും പേര് പറയാന്‍ നിര്‍ബന്ധിക്കുന്നതും വീഡിയോയില്‍ കാണാം. ചുറ്റും കൂടിയ നാട്ടുകാര്‍ കുട്ടികളെ പരിഹസിക്കുകയും ക്യാമറയിലേക്ക് നോക്കാന്‍ പറഞ്ഞുകൊണ്ട് തലയില്‍ അടിക്കുകയും ചെയ്യുന്നതും വീഡിയോയിലുണ്ട്. 'ഞങ്ങള്‍ ഒരു ചോക്ലേറ്റ് മാത്രമേ എടുത്തുള്ളൂ' എന്ന് കുട്ടികളിലൊരാള്‍ വീഡിയോയില്‍ പറയുന്നുണ്ട്.

ALSO READ: സിന്ധു നദീജല കരാര്‍ മരവിപ്പിച്ച നടപടി പുനഃപരിശോധിക്കണം; ഇതുവരെ പാകിസ്താൻ അയച്ചത് നാല് കത്തുകൾ

സംഭവസ്ഥലത്തുണ്ടായിരുന്നവര്‍ ഇടപെട്ടില്ലെന്നു മാത്രമല്ല, ഈ സംഭവം തങ്ങളുടെ മൊബൈല്‍ ഫോണില്‍ റെക്കോര്‍ഡ് ചെയ്യുകയും ചെയ്തു. ഈ വീഡിയോ സോഷ്യല്‍ മീഡിയയില്‍ വൈറല്‍ ആയതോടെ പൊലിസ് കേസ് രജിസ്റ്റര്‍ ചെയ്തു. കടയുടമയെയും മറ്റ് രണ്ട് പേരെയും പൊലിസ് അറസ്റ്റ് ചെയ്തിട്ടുണ്ട്. വീഡിയോ ചിത്രീകരിച്ച മാധ്യമപ്രവര്‍ത്തകനെതിരെയും നടപടി എടുക്കുമെന്ന് സീതാമര്‍ഹി പൊലീസ് വ്യക്തമാക്കി.

In a shocking incident in Bihar's Sitamarhi district, a shopkeeper publicly humiliated five minor boys by forcing them to parade naked through the village streets as punishment for allegedly stealing chocolates. The boys were also made to wear slippers around their necks during the degrading act.