ഡൽഹി: രാജ്യത്ത് കോവിഡ് കേസുകളിൽ വർധനവ്. നിലവിൽ കോവിഡ് കേസുകൾ ആറായിരത്തിലേക്ക് കടന്നിരിക്കുകയാണ്. 24 മണിക്കൂറിനുള്ളിൽ 794 കേസുകളുടെ വർധനവും നാല് മരണവും ആണ് റിപ്പോർട്ട് ചെയ്തത്. ഇതിലെ രണ്ട് മരണവും കേരളത്തിലാണ്. നിലവിൽ സ്ഥിതി സൂക്ഷ്മമായി നിരീക്ഷിക്കുകയാണെന്നാണ് കേന്ദ്ര ആഭ്യന്തര മന്ത്രാലയം അറിയിച്ചത്. 

ഇന്ന് രാജ്യത്ത് 5755 ആക്റ്റീവ് കേസുകളാണ് റിപ്പോർട്ട് ചെയ്തത്. ഓരോ ദിവസവും 500ൽ അധികം കേസുകളുടെ വർധനവാണ് ഉള്ളത്. കേരളത്തിലും രോഗ വ്യാപനം വർധിച്ചുകൊണ്ടിരിക്കുകയാണ്. നിലവിൽ കേരളത്തിൽ 1806 ആക്റ്റീവ് കേസുകളാണ് ഉള്ളത്. ഇന്നലെത്തേക്കാൾ 127 കേസുകളാണ് വർധിച്ചിട്ടുള്ളത്‌. 

കേരളം കഴിഞ്ഞാൽ ഏറ്റവും അധികം കോവിഡ് കേസുകൾ ഉള്ളത് പശ്ചിമബംഗാൾ, മഹാരാഷ്ട്ര, ഗുജറാത്ത്, ഡൽഹി എന്നീ സംസ്ഥാനങ്ങളിലാണ്. ഈ നാല് സംസ്ഥാനങ്ങളിലും 500ന് മുകളിൽ ആക്റ്റീവ് കേസുകൾ ഉണ്ട്. ജനുവരി മുതലുള്ള കണക്കുകൾ പ്രകാരം കോവിഡ് മൂലം 59 ആളുകളാണ് മരണപ്പെട്ടത്. 

Covid cases rise in the country four deaths in 24 hours