വാട്‌സ്ആപ്പിലെ ഈ മാറ്റം നിങ്ങള്‍ ശ്രദ്ദിച്ചോ? നിരന്തരം അപ്‌ഡേറ്റുകള്‍ അവതരിപ്പിക്കുന്ന തിരക്കിലാണ് പ്രമുഖ ഇന്‍സ്റ്റന്റ് ആപ്പായ വാട്‌സ്ആപ്പ്. ഇപ്പോഴിതാ സ്റ്റാറ്റസില്‍ പുതിയ അപ്‌ഡേഷന്‍ കൊണ്ടുവന്നിരിക്കുകയാണ് വാട്‌സ്ആപ്പ്. ഇന്‍സ്റ്റഗ്രാമിന് സമാനമായി മ്യൂസിക് ആഡിങ്ങ് ഫീച്ചറിന് പുറമെ, സ്റ്റാറ്റസ് ലേഔട്ട്, സ്റ്റിക്കറുകള്‍, ആഡ് യുവേഴ്‌സ് ഓപ്ഷന്‍ തുടങ്ങി നിരവധി കൂട്ടിച്ചേര്‍ക്കലുകളാണ് വന്നിരിക്കുന്നത്. മാത്രമല്ല,  ആറ് ചിത്രങ്ങള്‍ വരെ ചേര്‍ക്കാന്‍ ക!ഴിയുന്ന ഫോട്ടോ കൊളാഷ് ഫീച്ചറും ഇതിനൊപ്പമുണ്ട്.

നിങ്ങള്‍ക്ക് ഇപ്പോള്‍ ആറ് ഫോട്ടോകള്‍ വരെ ഒരു കൊളാഷിലേക്ക് സംയോജിപ്പിച്ച് പുതിയ എഡിറ്റിംഗ് ടൂളുകള്‍ ഉപയോഗിച്ച് ഓരോ ഗ്രിഡും ക്രമീകരിക്കാനും തുടര്‍ന്ന് അത് ഒരു വാട്ട്‌സ്ആപ്പ് സ്റ്റാറ്റസായി പോസ്റ്റ് ചെയ്യാനും കഴിയും.

ഇന്‍സ്റ്റാഗ്രാമിന്റെ ജനപ്രിയ ആഡ് യുവേഴ്‌സ് ടൂള്‍ ഇപ്പോള്‍ വാട്ട്‌സ്ആപ്പില്‍ ലഭ്യമാണ്.കൂടാതെ സ്റ്റാറ്റസിനായുള്ള പുതിയ ടൂളുകള്‍ ഉടന്‍ പുറത്തിറങ്ങുമെന്നാണ് വാട്ട്‌സ്ആപ്പ് അറിയിച്ചിരിക്കുന്നത്. ഇത് സംബന്ധിച്ച് കൃത്യമായ തീയതി വ്യക്തമല്ലെങ്കിലും, വരും മാസങ്ങളില്‍ എല്ലാ ഉപയോക്താക്കള്‍ക്കും സ്റ്റാറ്റസിലെ ഈ അപ്‌ഡേഷനുകള്‍ ലഭിക്കുമെന്നാണ് വിവരം. അതേസമയം ചില ഉപയോക്താക്കള്‍ക്ക് ഈ ഫീച്ചര്‍ കിട്ടിത്തുടങ്ങിയിട്ടുണ്ട്.