താമരശ്ശേരി: താമരശേരി ചുരത്തിൽ നാളെയും ഗതാഗത നിയന്ത്രണം തുടരുമെന്ന് പൊലിസ് അറിയിച്ചു. നാളെ രാവിലെ 10 മണി മുതൽ അർദ്ധരാത്രി വരെ നിയന്ത്രണം തുടരും. ബലിപെരുന്നാൾ അവധിക്ക് പിന്നാലെയുള്ള ഞായറാഴ്ച ആയതിനാൽ ഉണ്ടാകാനിടയുള്ള തിരക്ക് കൂടുതൽ ​ഗതാ​ഗത കുരുക്കുകൾ സൃഷ്ടിക്കുമെന്ന് കണക്കാക്കിയാണ് ഈ നടപടി. 

അതേസമയം, താമരശ്ശേരി ചുരത്തില്‍ ഇന്നും സഞ്ചാരികള്‍ക്ക് നിയന്ത്രണം ഏർപ്പെടുത്തിയിരുന്നു. ഇന്ന് (ശനിയാഴ്ച) വൈകിട്ട് ഏഴുമണി മുതല്‍ സഞ്ചാരികള്‍ക്ക് കര്‍ശനമായ നിയന്ത്രണങ്ങള്‍ ഏര്‍പ്പെടുത്തിയതായി താമരശ്ശേരി ഇന്‍സ്‌പെക്ടര്‍ സായൂജ് കുമാര്‍ നേരത്തെ അറിയിച്ചിരുന്നു.  

വൈകുന്നേരം ഏഴുമുതല്‍ അര്‍ധരാത്രി വരെ ചുരത്തില്‍ അനധികൃതമായി വാഹനങ്ങള്‍ നിര്‍ത്തുന്നതിനും കൂട്ടംകൂടി നില്‍ക്കുന്നതിനും വിലക്ക് ഏര്‍പ്പെടുത്തിയിരുന്നു. 

ഈദ് ആഘോഷത്തോടനുബന്ധിച്ച് വിനോദസഞ്ചാരികള്‍ വാഹനങ്ങളില്‍ വന്‍തോതില്‍ എത്തുന്നത് ചുരത്തില്‍ ഗതാഗതക്കുരുക്കിന് കാരണമാകുമെന്നതിനാലാണ് ഈ നടപടിയെന്നാണ് പൊലിസ് അറിയിച്ചത്.

Police have announced that traffic restrictions at Thamarassery Churam (Kozhikode-Wayanad border) will remain in place tomorrow from 10 AM until midnight. The move comes in anticipation of heavy post-Eid holiday traffic on Sunday. Authorities are implementing these measures to prevent congestion and ensure smooth movement. Plan your travel accordingly to avoid delays.