തിരുവനന്തപുരം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ ആഭിമുഖ്യത്തില്‍ പ്രഖ്യാപിച്ച ലഹരി വിരുദ്ധ കാംപയിനിൻ്റെ ഭാഗമായി മദ്‌റസകള്‍ മുഖേന സമാഹരിച്ച, 10 ലക്ഷം പേര്‍ ഒപ്പിട്ട ഭീമഹരജി ഇന്ന് സമസ്ത പ്രസിഡൻ്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളുടെ നേതൃത്വത്തില്‍  നേതാക്കള്‍ മുഖ്യമന്ത്രി പിണറായി വിജയന് സമര്‍പ്പിക്കും. 

ലഹരിക്കെതിരേ വ്യാപകമായ കാംപയിൻ പ്രവര്‍ത്തനങ്ങളാണ് സമസ്തയുടെയും പോഷക സംഘടനകളുടെയും ആഭിമുഖ്യത്തില്‍ നടന്നുവരുന്നത്. മെയ് 18ന് സമസ്തയുടെ 10,992 മദ്‌റസകളില്‍ നടത്തിയ സ്‌പെഷല്‍ അസംബ്ലിയില്‍ 12 ലക്ഷം കുട്ടികള്‍ പങ്കെടുക്കുകയും ലഹരിക്കെതിരേ പ്രതിജ്ഞ എടുക്കുകയും ചെയ്തിരുന്നു. അന്നേ ദിവസം തന്നെ 10 ലക്ഷം പേര്‍ ഒപ്പുചാര്‍ത്തുകയും ചെയ്തു. സംസ്ഥാനത്ത് മദ്യം, മയക്കുമരുന്ന്, മറ്റു ലഹരിവസ്തുക്കളുടെ ഉപയോഗവും വിപണനവും പൂര്‍ണമായും ഇല്ലാതാക്കുക, ലഹരിക്കെതിരേയുള്ള നിയമ നടപടികള്‍ കര്‍ശനമാക്കുക എന്നീ ആവശ്യങ്ങളാണ് ഹരജിയില്‍ ഉള്‍ക്കൊള്ളിച്ചത്.

കാംപയിനിന്റെ ഭാഗമായി മദ്‌റസകളും മഹല്ലുകളും കേന്ദ്രീകരിച്ച് ബോധവൽക്കരണ ക്ലാസുകള്‍, ഡോക്യുമെന്ററി പ്രദര്‍ശനം, ഗൃഹ സന്ദര്‍ശനം, വിദ്യാർഥി സഭ രൂപീകരണം എന്നിവയും സംഘടിപ്പിച്ചുവരുന്നതായി സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ.മോയിന്‍കുട്ടി മാസ്റ്റര്‍ വാര്‍ത്താസമ്മേളനത്തില്‍ അറിയിച്ചു.

anti-drug campaign launched by the Samastha Kerala Islamic Religious Education Board, a massive petition signed by 10 lakh people—collected through madrasas—will be submitted today to Chief Minister Pinarayi Vijayan by Samastha President Sayyid Muhammad Jifri Muthukkoya Thangal