ന്യൂഡൽഹി: ലക്ഷദ്വീപിലെ ജനവാസമുള്ള ദ്വീപുകളിൽ ഒന്നായ ബിത്ര ദ്വീപ് ഏറ്റെടുക്കാനുള്ള ലക്ഷദ്വീപ് ഭരണകൂടത്തിന്റെ നീക്കത്തെ പാർലമെന്റിൽ ചോദ്യം ചെയ്ത് ലക്ഷദ്വീപ് എം. പി. ഹംദുള്ള സഈദ്.ലക്ഷദ്വീപ് ഭരണകൂടത്തിന്റെ റവന്യൂ വകുപ്പ്  പുറത്തിറക്കിയ ഇത് സംബന്ധമായ വിജ്ഞാപനം പിൻവലിക്കണമെന്ന് ലോകസഭയിൽ അദ്ദേഹം ആവശ്യപ്പെട്ടു.

ജനവാസമുള്ള ഏറ്റവും ചെറിയ തുരുത്താണെങ്കിലും ബിത്രാ ദ്വീപ് ലക്ഷദ്വീപിന്റെ സാമ്പത്തിക മേഖലയ്ക്ക് കരുത്തേകുന്ന  പ്രദേശമാണ്. മറ്റെല്ലാ ദ്വീപുകാരും മത്സ്യ സമ്പത്തിനായി ഈ ഈ ദീപിന്റെ സമുദ്ര അതിർത്തിയെ ആശ്രയിക്കുന്നു. രാജ്യത്തിൻറെ പ്രതിരോധ ആവശ്യങ്ങൾക്ക് എല്ലായ്പ്പോഴും പിന്തുണയും സഹകരണവും നൽകുന്നവരാണ് ലക്ഷദ്വീപ് നിവാസികളെന്നും എന്നാൽ ഇപ്പോൾ  ബിത്ര ദ്വീപിലെ പതിറ്റാണ്ടുകളായി താമസിക്കുന്ന ജനങ്ങളെ പൂർണമായും ഒഴിപ്പിക്കാൻ ഉള്ള ഭരണകൂടനീക്കം അനാവശ്യവും അശാസ്ത്രീയവുമാണെന്നും അത് അടിയന്തരമായി പിൻവലിക്കാൻ ഈസഭയിലൂടെ താൻ ആവശ്യപ്പെടുന്നതായും ഹംദുള്ള സഈദ്  പറഞ്ഞു.ലോകസഭയിൽ ശൂന്യവേളയിൽ സംസാരിക്കുകയായിരുന്നു അദ്ദേഹം.

Lakshadweep MP Hamdullah Sayeed strongly opposed the government's plan to acquire Bitra Island for defence purposes in the Lok Sabha, calling it "ill-conceived." He highlighted the lack of compensation plans and the impact on the island’s 350 residents and its vital 45-sq km lagoon, a key fishing zone. Sayeed demanded the immediate withdrawal of the July 11 notification, vowing to fight politically and legally.