വാഷിംഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപ് ഇന്ത്യയ്ക്ക് മേൽ 25% തീരുവ ചുമത്തുന്നതായി പ്രഖ്യാപിച്ചു. റഷ്യയിൽ നിന്നുള്ള എണ്ണ, ആയുധ വാങ്ങലിന് അധിക പിഴയും ഏർപ്പെടുത്തിയിട്ടുണ്ട്. ഓഗസ്റ്റ് 1 മുതൽ ഈ തീരുവയും പിഴയും നിലവിൽ വരും. ഇന്ത്യയും അമേരിക്കയും തമ്മിൽ പുതിയ വ്യാപാര കരാർ അന്തിമമാക്കാത്തതിന്റെ പശ്ചാത്തലത്തിൽ, ഓഗസ്റ്റ് 1ന് മുമ്പ് കരാർ ഉണ്ടാക്കിയില്ലെങ്കിൽ കൂടുതൽ തീരുവ ഏർപ്പെടുത്തുമെന്ന് ട്രംപ് നേരത്തെ മുന്നറിയിപ്പ് നൽകിയിരുന്നു.

ട്രംപിന്റെ സോഷ്യൽ മീഡിയ പ്ലാറ്റ്‌ഫോമായ ട്രൂത്ത് സോഷ്യലിൽ പോസ്റ്റ് ചെയ്ത സന്ദേശത്തിലാണ് ഇന്ത്യയുടെ വ്യാപാര നയങ്ങളെയും റഷ്യയുമായുള്ള അടുത്ത ബന്ധത്തെയും അദ്ദേഹം വിമർശിച്ചത്. "ഇന്ത്യ നമ്മുടെ സുഹൃത്താണെങ്കിലും, അവരുടെ തീരുവകൾ ലോകത്തിലെ ഏറ്റവും ഉയർന്നവയിൽ ഒന്നാണ്. മറ്റേത് രാജ്യത്തേക്കാളും കർശനമായ വ്യാപാര തടസ്സങ്ങൾ അവർ ഏർപ്പെടുത്തുന്നു. അതിനാൽ, ഓഗസ്റ്റ് 1 മുതൽ ഇന്ത്യ 25% തീരുവയും, റഷ്യൻ എണ്ണയും ആയുധങ്ങളും വാങ്ങുന്നതിനുള്ള പിഴയും നൽകേണ്ടി വരും," ട്രംപ് പോസ്റ്റിൽ വ്യക്തമാക്കി.

ഇന്ത്യയുടെ റഷ്യയുമായുള്ള സൈനിക, ഊർജ പങ്കാളിത്തവും ട്രംപിന്റെ വിമർശനത്തിന് വിഷയമായി. ഇന്ത്യയുടെ സൈനിക ഉപകരണങ്ങളിൽ ഭൂരിഭാഗവും റഷ്യയിൽ നിന്നാണ് വാങ്ങിയിരുന്നതെന്ന് അദ്ദേഹം ചൂണ്ടിക്കാട്ടി. ഉക്രെയ്ൻ യുദ്ധം അവസാനിപ്പിക്കണമെന്ന് അന്താരാഷ്ട്ര സമൂഹം ആവശ്യപ്പെടുന്ന സമയത്ത്, ചൈനയ്‌ക്കൊപ്പം റഷ്യയുടെ ഏറ്റവും വലിയ ഊർജ വിപണിയായി ഇന്ത്യ മാറിയത് ഗൗരവമുള്ള വിഷയമാണെന്നും ട്രംപ് ആരോപിച്ചു.

US President Donald Trump has announced a 25% tariff on India effective August 1, 2025, along with fines for using Russian oil and arms. The move comes as India and the US failed to finalize a new trade deal by the deadline. Trump criticized India’s high tariffs and trade barriers, as well as its military and energy ties with Russia, on Truth Social.