റിയാദ്: റഷ്യ സന്ദര്‍ശിക്കുന്ന സഊദി അറേബ്യയില്‍ നിന്നുള്ള വിനോദസഞ്ചാരികളുടെ എണ്ണത്തില്‍ 2024ല്‍ 570 ശതമാനം വര്‍ധന രേഖപ്പെടുത്തിയതായി അധികൃതര്‍. 2023 ഓഗസ്റ്റില്‍ നടപ്പാക്കിയ ഇ-വിസ സംവിധാനമാണ് ഈ അഭൂതപൂര്‍വമായ വളര്‍ച്ചയ്ക്ക് പ്രധാന കാരണമെന്ന് റഷ്യന്‍ അധികൃതര്‍ അറിയിച്ചു.

ALSO READ: യുകെ-സഊദി വൺ-സ്റ്റോപ്പ് സെക്യൂരിറ്റി: സഊദി വിമാനത്താവളങ്ങൾ വഴി യാത്ര ചെയ്യുന്ന യുകെ യാത്രക്കാർക്ക് ഇനി സുരക്ഷാ പരിശോധനകൾ ആവശ്യമില്ല

2024ല്‍ 52,400 സഊദി വിനോദസഞ്ചാരികള്‍ റഷ്യ സന്ദര്‍ശിച്ചു. 2023ല്‍ ഇത് വെറും 9,300-ായിരുന്നു. 2025ന്റെ ആദ്യ പകുതിയില്‍ മാത്രം 9,900ലധികം സഊദി സന്ദര്‍ശകരാണ് മോസ്‌കോയില്‍ എത്തിയത്. 2024നെ അപേക്ഷിച്ച് 50 ശതമാനം വര്‍ധനവാണ് ഇത്തവണ രേഖപ്പെടുത്തിയിരിക്കുന്നത്. 2025 മധ്യത്തോടെ 80,000ത്തിലധികം ഇ-വിസകളാണ് സഊദി പൗരന്മാര്‍ക്ക് അനുവദിച്ചത്. ഇതോടെ സഊദി ഇക്കാര്യത്തില്‍ ചൈനയ്ക്ക് പിന്നില്‍ രണ്ടാം സ്ഥാനത്തെത്തി.

ഇ-വിസ സംവിധാനം വഴി സൗഉദി പൗരന്മാര്‍ക്ക് എംബസി സന്ദര്‍ശനങ്ങളോ സങ്കീര്‍ണ്ണമായ രേഖകളോ ഇല്ലാതെ തന്നെ ഓണ്‍ലൈന്‍ മാര്‍ഗത്തിലൂടെ വിസ സ്വന്തമാക്കാനാകും.  

'സഊദി വിനോദസഞ്ചാരികള്‍ക്ക് റഷ്യന്‍ സംസ്‌കാരത്തോടും പ്രകൃതിദൃശ്യങ്ങളോടുമുള്ള താല്‍പ്പര്യവും വര്‍ധിക്കുന്നുണ്ട്,' മോസ്‌കോ, സെന്റ് പീറ്റേഴ്‌സ്ബര്‍ഗ്, സോച്ചി എന്നിവിടങ്ങളിലെ ആകര്‍ഷണങ്ങള്‍ എടുത്തുകാട്ടി റഷ്യന്‍ ടൂറിസം ബോര്‍ഡ് പ്രതിനിധി പറഞ്ഞു.

ALSO READ: റെസിഡന്‍സി, തൊഴില്‍, അതിര്‍ത്തി നിയമലംഘനം; സഊദിയില്‍ 12,000ലധികം പേര്‍ പിടിയില്‍

റിയാദ്, ജിദ്ദ, ദമ്മാം എന്നിവിടങ്ങളില്‍ നിന്ന് മോസ്‌കോയിലേക്ക് നേരിട്ടുള്ള വിമാന സര്‍വീസുകളും ഗള്‍ഫ് ട്രാവല്‍ എക്‌സ്‌പോകളിലെ റഷ്യന്‍ ടൂറിസം ഏജന്‍സികളുടെ പ്രമോഷനുകളും കൂടുതല്‍ പേരെ റഷ്യയിലേക്ക് ആകര്‍ഷിക്കുന്നു.  

'പരമ്പരാഗത യൂറോപ്യന്‍ ലക്ഷ്യസ്ഥാനങ്ങള്‍ക്ക് പകരം പുതിയ വേനല്‍ക്കാല ഡെസ്റ്റിനേഷനായി റഷ്യ സഊദി കുടുംബങ്ങള്‍ക്കും യുവ യാത്രക്കാര്‍ക്കും പ്രിയപ്പെട്ടതായി മാറി,' റിയാദിലെ ഒരു ട്രാവല്‍ ഏജന്റ് വ്യക്തമാക്കി. താങ്ങാവുന്ന വിലയും കുറഞ്ഞ വേനല്‍ക്കാല താപനിലയും റഷ്യയുടെ ആകര്‍ഷണം വര്‍ധിപ്പിക്കുന്നു.

2025ന്റെ രണ്ടാം പകുതിയില്‍ ഈ പ്രവണത തുടരുന്നതിനാല്‍, റഷ്യന്‍ ടൂര്‍ ഓപ്പറേറ്റര്‍മാര്‍ സഊദി വിപണിക്കായി അറബി ഭാഷാ ഗൈഡുകള്‍, സാംസ്‌കാരിക ടൂറുകള്‍, ക്യൂറേറ്റഡ് അനുഭവങ്ങള്‍ എന്നിവ ഉള്‍പ്പെടുത്തി കസ്റ്റം പാക്കേജുകള്‍ തയ്യാറാക്കുന്നണ്ടെന്നാണ് റഷ്യന്‍ അധികൃതര്‍ വ്യക്തമാക്കുന്നത്.

റഷ്യയിലെ ഏറ്റവും പ്രധാനപ്പെട്ട 10 വിനോദ സഞ്ചാര കേന്ദ്രങ്ങള്‍

മോസ്‌കോയിലെ റെഡ് സ്‌ക്വയര്‍: റഷ്യയുടെ ഹൃദയമായ റെഡ് സ്‌ക്വയര്‍, ക്രെംലിന്‍, സെന്റ് ബേസില്‍ കത്തീഡ്രല്‍, ലെനിന്റെ ശവകുടീരം എന്നിവയാല്‍ ചുറ്റപ്പെട്ട യുനെസ്‌കോ ലോക പൈതൃക സ്ഥലമാണ്.

 

 

ക്രെംലിന്‍, മോസ്‌കോ: റഷ്യന്‍ പ്രസിഡന്റിന്റെ ഔദ്യോഗിക വസതിയും ചരിത്രപരമായ കോട്ടയുമായ ക്രെംലിനില്‍ കത്തീഡ്രലുകളും ആര്‍മറി മ്യൂസിയവും ഉള്‍പ്പെടുന്നു.

 

 

സെന്റ് പീറ്റേഴ്‌സ്ബര്‍ഗിലെ ഹെര്‍മിറ്റേജ് മ്യൂസിയം: ലോകത്തിലെ ഏറ്റവും വലിയ കലാ മ്യൂസിയങ്ങളിലൊന്നായ ഹെര്‍മിറ്റേജില്‍ 30 ലക്ഷത്തിലധികം കലാസൃഷ്ടികള്‍ പ്രദര്‍ശിപ്പിക്കുന്നു.

പീറ്റര്‍ഹോഫ് പാലസ്, സെന്റ് പീറ്റേഴ്‌സ്ബര്‍ഗ്: 'റഷ്യന്‍ വെര്‍സായ്' എന്നറിയപ്പെടുന്ന ഈ കൊട്ടാരം, 173 ഫൗണ്ടനുകളും ഗംഭീരമായ ഗാര്‍ഡനുകളും കൊണ്ട് പ്രശസ്തമാണ്.

സെന്റ് ബേസില്‍ കത്തീഡ്രല്‍, മോസ്‌കോ: 16ാം നൂറ്റാണ്ടില്‍ നിര്‍മിച്ച ഈ വര്‍ണ്ണാഭമായ ഡോമുകളുള്ള കത്തീഡ്രല്‍, റഷ്യയുടെ പ്രതീകമാണ്.

The number of Saudi tourists visiting russia has surged significantly following the launch of the e-visa system, making travel easier and boosting tourism growth.