റിയാദ്: താമസ, തൊഴില്‍, അതിര്‍ത്തി നിയമലംഘനങ്ങള്‍ക്കെതിരെ ഒരാഴ്ച നീണ്ടുനിന്ന വ്യാപക പരിശോധനയില്‍ 12,066 പേരെ അറസ്റ്റ് ചെയ്ത് സഊദി ആഭ്യന്തര മന്ത്രാലയം. ജൂണ്‍ 12 മുതല്‍ 18 വരെ സുരക്ഷാ സേനയുടെ നേതൃത്വത്തില്‍ വിവിധ സര്‍ക്കാര്‍ ഏജന്‍സികളുമായി സഹകരിച്ച് നടത്തിയ ഏകോപിത റെയ്ഡുകളിലാണ് നിയമലംഘകരെ പിടികൂടിയത്.

ALSO READ: Israel-Iran conflict LIVE: കുവൈത്തില്‍ ഷെല്‍ട്ടറുകള്‍, ബഹ്‌റൈനില്‍ വര്‍ക്ക് ഫ്രം ഹോം, റേഡിയോ ആക്ടീവ് ഇഫക്റ്റുകളില്ലെന്ന് സഊദിയും ഖത്തറും; ഗള്‍ഫ് രാജ്യങ്ങളുടെ നീക്കം ഇങ്ങനെ

മന്ത്രാലയത്തിന്റെ കണക്കുപ്രകാരം, അറസ്റ്റിലായവരില്‍ 7,333 പേര്‍ താമസ നിയമം, 3,060 പേര്‍ അതിര്‍ത്തി സുരക്ഷാ നിയമം, 1,673 പേര്‍ തൊഴില്‍ നിയമം എന്നിവ ലംഘിച്ചവരാണ്. കാമ്പെയ്‌നിന്റെ ഭാഗമായി പിടിച്ച 7,238 പേരെ നാടുകടത്തി. 6,244 പേരെ യാത്രാ രേഖകള്‍ക്കായി എംബസികളിലേക്കും കോണ്‍സുലേറ്റുകളിലേക്കും അയച്ചു. 2,209 പേരുടെ യാത്രാ ക്രമീകരണങ്ങള്‍ പൂര്‍ത്തിയാക്കാന്‍ നടപടിയെടുത്തിട്ടുണ്ട്.

അതിര്‍ത്തി കടക്കാന്‍ ശ്രമിക്കവെ 1,206 പേരാണ് അധികൃതരുടെ കസ്റ്റഡിയിലായത്. ഇവരില്‍ 65% എത്യോപ്യന്‍ പൗരന്മാരും 32% യെമന്‍ വംശജരും ബാക്കി മറ്റു രാജ്യക്കാരുമാണ്. അനധികൃത കുടിയേറ്റക്കാര്‍ക്ക് ഗതാഗതം, താമസം, തൊഴില്‍ എന്നിവ നല്‍കി സഹായിച്ച 21 പേരും അറസ്റ്റിലായി.

ALSO READ: Iran - Israel: ഗള്‍ഫ് മേഖലയിലെ നിരവധി സര്‍വിസുകള്‍ റദ്ദാക്കി, വിവിധ വിമാനങ്ങള്‍ വഴി തിരിച്ചുവിട്ടു

നിലവില്‍ 12,015 പുരുഷന്മാരും 1,223 സ്ത്രീകളും ഉള്‍പ്പെടെ 13,238 പേര്‍ വിവിധ നിയമനടപടികള്‍ക്ക് വിധേയരാണ്. നിയമവിരുദ്ധ പ്രവേശനമോ താമസമോ സുഗമമാക്കുന്നവര്‍ക്ക് 15 വര്‍ഷം വരെ തടവും 1 ദശലക്ഷം റിയാല്‍ വരെ പിഴയും കണ്ടുകെട്ടലും നേരിടേണ്ടിവരുമെന്ന് മന്ത്രാലയം മുന്നറിയിപ്പ് നല്‍കി.

Saudi authorities have arrested more than 12,000 individuals for violations related to residency, labor laws, and border security. The crackdown aims to enforce regulations strictly and curb illegal activities, reflecting the kingdom’s ongoing efforts to maintain order and compliance within its workforce and border areas.