ഇന്ത്യൻ വിക്കറ്റ് കീപ്പർ ബാറ്റർ റിഷബ് പന്തിന്റെ പ്രകടനങ്ങളെ പ്രശംസിച്ചുകൊണ്ട് സംസാരിക്കുകയാണ് മുൻ ഇന്ത്യൻ താരം ആർ അശ്വിൻ. പന്ത് ക്രിക്കറ്റിനെ അപൂർവ്വം ചില താരങ്ങളിൽ ഒരാളാണെന്നും പന്തിനെ വിരാട് കോഹ്‌ലിയെ പോലുള്ള താരങ്ങളുമായി താരതമ്യപ്പെടുത്താം എന്നുമാണ് അശ്വിൻ പറഞ്ഞത്. തന്റെ യൂട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം.

"റിഷബ് പന്തിനെ വിരാട് കോഹ്‌ലിയെ പോലുള്ള താരങ്ങളുമായി താരതമ്യം ചെയ്യണം. അവൻ ഒരു മുഖ്യധാര ബാറ്ററാണ്. കാരണം അവന് ധാരാളം സമയമുണ്ട്. സ്പെഷ്യൽ ബാറ്റർമാരിൽ ചില താരങ്ങൾക്ക് കളിക്കളത്തിലെ സാഹചര്യം പെട്ടെന്ന് തന്നെ മനസ്സിലാക്കി എടുക്കാനുള്ള കഴിവുണ്ട്. അത്തരം താരങ്ങൾ വേഗത്തിൽ അവരുടെതായ സ്ഥാനങ്ങളിൽ എത്തും. ഈ പ്രത്യേക കഴിവുള്ള അപൂർവ താരങ്ങളിൽ ഒരാളാണ് പന്ത്" ആർ അശ്വിൻ പറഞ്ഞു.

ഇംഗ്ലണ്ടിനെതിരായ ആദ്യ ടെസ്റ്റിൽ തകർപ്പൻ പ്രകടനമാണ് പന്ത് പുറത്തെടുത്തത്. രണ്ട് ഇന്നിംഗ്സുകളിലും സെഞ്ച്വറി നേടിയാണ് പന്ത് തിളങ്ങിയത്. ആദ്യ ഇന്നിങ്സിൽ 178 പന്തിൽ 12 ഫോറുകളും ആറ് സിക്സുകളും അടക്കം 134 റൺസ് ആണ് പന്ത് നേടിയത്. രണ്ടാം ഇന്നിങ്സിൽ 140 പന്തിൽ 118 റൺസും താരം സ്വന്തമാക്കി. 15 ഫോറുകളും മൂന്ന് സിക്സുകളും അടങ്ങുന്നതായിരുന്നു പന്തിന്റെ പ്രകടനം. 

ആദ്യ മത്സരത്തിൽ നടത്തിയ തകർപ്പൻ പ്രകടനങ്ങൾക്ക് പിന്നാലെ ഐസിസി ടെസ്റ്റ് റാങ്കിങ്ങിലും മികച്ച മുന്നേറ്റവുമായി ഇന്ത്യൻ വിക്കറ്റ് കീപ്പർ റിഷബ് പന്ത്. റാങ്കിങ്ങിൽ ഏഴാം സ്ഥാനത്തേക്കാണ് പന്ത് കുതിച്ചുയർന്നത്. 800 പോയിന്റുമായാണ് പന്ത് പട്ടികയിൽ മികച്ച മുന്നേറ്റം നടത്തിയത്. ഇന്ത്യൻ ക്രിക്കറ്റിന്റെ ചരിത്രത്തിൽ ഇതാദ്യമായാണ് ഒരു വിക്കറ്റ് കീപ്പർ 800 പോയിന്റുകൾ കരസ്ഥമാക്കുന്നത്. 

അതേസമയം മത്സരത്തിൽ ഇന്ത്യ പരാജയപ്പെട്ടിരുന്നു. അഞ്ച് വിക്കറ്റിനായിരുന്നു ഗില്ലിനെയും സംഘത്തിന്നെയും ഇംഗ്ലണ്ട് തകർത്തു വിട്ടത്. ഇന്ത്യ ഉയർത്തിയ 371 റൺസ് ഇംഗ്ലണ്ട് അനായാസമായി മറികടക്കുകയായിരുന്നു.

Former Indian batsman R Ashwin has been praising the performances of Indian wicketkeeper-batsman Rishabh Pant