കൊച്ചി: ഭാരതാംബ വിവാദത്തില്‍ സര്‍ക്കാര്‍-രാജ്ഭവന്‍ പോര് കനക്കുന്നതിനിടെ കൃഷി മന്ത്രി പി പ്രസാദിനെ പുകഴ്ത്തി ഗവര്‍ണര്‍ രാജേന്ദ്ര ആര്‍ലേക്കര്‍. മികച്ച മന്ത്രിയും സുഹൃത്തുമാണ് പി പ്രസാദെന്നാണ് ഗവര്‍ണര്‍ പറഞ്ഞത്. കേരള കാര്‍ഷിക സര്‍വകലാശാല ബിരുദദാന ചടങ്ങിലാണ് മന്ത്രിയെ പുകഴ്ത്തി ഗവര്‍ണര്‍ രംഗത്തെത്തിയത്. 

അതേസമയം ഗവര്‍ണര്‍ക്കും തനിക്കും രണ്ട് ആശ്യങ്ങളാണുള്ളതെന്നും, ഓരോ പരിപാടികളുടെയും സ്വഭാവത്തിന് അനുസരിച്ച് ഇടപെല്‍ നടത്തണമെന്നും മന്ത്രി പി പ്രസാദ് പ്രതികരിച്ചു. ഔദ്യോഗിക പരിപാടികളില്‍ കാവിക്കൊടി ഏന്തിയ ഭാരതാംബ ചിത്രം ഉപയോഗിക്കരുതെന്ന് തന്നെയാണ് നിലപാടെന്നും മന്ത്രി കൂട്ടിച്ചേര്‍ത്തു. 

ALSO READ: ചരിത്ര നിമിഷം! ശുഭാംശു ശുക്ല അന്താരാഷ്ട്ര ബഹിരാകാശ നിലയത്തില്‍, ഡോക്കിങ് പൂർത്തിയായി 

നേരത്തെ ഔദ്യോഗി ചടങ്ങുകളില്‍ ആര്‍എസ്എസിന്റെ കൊടിയേന്തിയ ഭാരതാംബയുടെ ചിത്രത്തില്‍ പുഷ്പാര്‍ച്ചന നടത്തണെന്ന ഗവര്‍ണറുടെ ആവശ്യത്തെ എതിര്‍ത്ത് കൃഷി വകുപ്പ് രംഗത്തെത്തിയിരുന്നു. പിന്നാലെ സര്‍ക്കാരും ഗവര്‍ണറും തമ്മില്‍ ഭാരതാംബ വിഷയത്തില്‍ വലിയ വിവാദങ്ങള്‍ ഉടലെടുത്തു. 

പിന്നാലെ സ്‌കൗട്ട്‌സ് ആന്റ് ഗൈഡ്‌സ് സംഘടിപ്പിച്ച പരിപാടിയിലും രാജ്ഭവന്‍ വിവാദ ഭാരതാംബ ചിത്രം ഉപയോഗിച്ചു. ഇതിനെതിരെ വിദ്യാഭ്യാസ മന്ത്രി വി ശിവന്‍കുട്ടിയും രംഗത്തെത്തി. ഗവര്‍ണര്‍ ഭരണഘടനക്ക് അതീതനല്ലെന്ന് ശിവന്‍കുട്ടി പറയുകയും ചെയ്തു. ഇതിന് തിരിച്ചടിയായി മന്ത്രി പ്രോട്ടോകോള്‍ ലംഘനം നടത്തിയെന്ന് ഗവര്‍ണര്‍ ആരോപിച്ചു. 

വിവാ​ദം കൊഴുത്തതോടെ ഗവർണറുടെ അധികാരത്തെക്കുറിച്ച് പാഠ്യപദ്ധതിയിൽ ഉൾപ്പെടുത്തുമെന്ന് ശിവൻകുട്ടി പറഞ്ഞു. ഇത്തവണത്തെ പത്താം ക്ലാസ് സിലബസിൽ വിഷയം ഉൾപ്പെടുത്താൻ വിദ്യാഭ്യാസ വകുപ്പ് തീരുമാനിച്ചു. ഇതിന് മറുപടിയായി ഗവർണറുടെ അധികാരത്തെ കുറിച്ച് പഠിപ്പിക്കുന്നതിനേക്കാൾ ആവശ്യം അടിയന്തരാവസ്ഥ കാലത്തെ അക്രമങ്ങളെക്കുറിച്ചുള്ള വിവരങ്ങൾ പഠിപ്പിക്കലാണെന്നാണ് രാജേന്ദ്ര ആർലേക്കർ മറുപടിയായി പറഞ്ഞു. അക്കാലത്ത് രാജ്യത്ത് എന്താണ് നടന്നതെന്ന് വരും തലമുറയും പഠിക്കണം. അതിക്രൂരമായ അതിക്രമങ്ങളുടെ ഉത്തരവാദികൾ ആരായിരുന്നുവെന്നും രാജ്യത്ത് ജനാധിപത്യത്തെ ചവിട്ടിമെതിച്ചത് ആരാമെന്ന് അവർ മനസിലാക്കണമെന്നുമാണ് ഗവർണർ പറഞ്ഞത്. 

തൊട്ടുപിന്നാലെ അടിയന്തരാവസ്ഥയെക്കുറിച്ച് പഠിപ്പിക്കുന്നതിൽ തെറ്റില്ലെന്നും, അതോടൊപ്പം ഗുജറാത്ത് കലാപവും, ഗാന്ധി വധവും,   ആർഎസ്എസ് നിരോധനവും, മുഗൾ ഭരണവും ഉൾപ്പെടുത്തണമെന്നും മന്ത്രി തിരിച്ചടിച്ചു. 

Amid the ongoing tussle between the Kerala Government and Raj Bhavan over the Bharathamabha anthem controversy, Governor Arif Mohammed Khan's counterpart, Kerala Governor Rajendra Arlekar, made a surprising remark. He praised Agriculture Minister P. Prasad, calling him “an excellent minister and a good friend.”