ജറുസലേം: ഇറാനെതിരെ ശക്തമായ സൈനിക തന്ത്രം രൂപീകരിക്കാൻ ഇസ്റാഈൽ പ്രതിരോധ മന്ത്രി ഇസ്രായേൽ കറ്റ്‌സ് സൈന്യത്തിന് നിർദേശം നൽകി. 12 ദിവസത്തെ യുദ്ധത്തിനുശേഷം, ‘റൈസിംഗ് ലയൺ’ എന്ന പേര് നൽകിയ പുതിയ എൻഫോഴ്‌സ്‌മെന്റ് സിദ്ധാന്തം കറ്റ്‌സ് അവതരിപ്പിച്ചു.  ഇസ്റാഈലിന്റെ വ്യോമ മേധാവിത്വം ഉറപ്പാക്കുക, ഇറാന്റെ ആണവ-മിസൈൽ പദ്ധതികൾ തടയുക,  തെഹ്‌റാനെ പിന്തുണക്കുന്നവർക്ക് മറുപടി നൽകുക എന്നിവയാണ് ഈ  നീക്കങ്ങൾ.

“ഇറാന്റെ ഭീഷണികളെ നിർവീര്യമാക്കാൻ തുടർച്ചയായി പ്രവർത്തിക്കുമെന്നും 2023 ഒക്ടോബർ 7-ന് ഗസ്സ യുദ്ധം തുടങ്ങിയതിനുശേഷം ഞങ്ങളുടെ പ്രതിരോധ ശേഷി തെളിയിക്കപ്പെട്ടിട്ടുണ്ട്,” എന്നും കാറ്റ്‌സ് ഒരു ടെലിവിഷൻ പ്രസ്താവനയിൽ പറഞ്ഞതായാണ് റിപ്പോർട്ട്.

അതിനിടെ, ഇറാന്റെ നതാൻസ് ആണവ കേന്ദ്രത്തിൽ പ്രവർത്തനങ്ങൾ പുനരാരംഭിച്ചതായി ഉപഗ്രഹ ചിത്രങ്ങൾ വെളിപ്പെടുത്തുന്നതായി  ഇസ്റാഈലി ചാനൽ റിപ്പോർട്ട് ചെയ്തു. സമുച്ചയത്തിന്റെ ഭൂഗർഭ ഭാഗങ്ങളിൽ സമ്പുഷ്ട യുറേനിയം വേർതിരിച്ചെടുക്കാനുള്ള ശ്രമങ്ങൾ ഇറാൻ ആരംഭിച്ചതായാണ് റിപ്പോർട്ട്. യുഎസ് നേതൃത്വത്തിലുള്ള വ്യോമാക്രമണങ്ങളുടെ ആഘാതം വിലയിരുത്തുന്നതിനിടെയാണ് ഈ വിവരം പുറത്തുവന്നത്. യുഎസ് ഇന്റലിജൻസ് റിപ്പോർട്ട് പ്രകാരം, ഇത്തരം ആക്രമണങ്ങൾ ഇറാന്റെ ആണവ പദ്ധതിയെ ഏതാനും മാസങ്ങൾ മാത്രമേ പിന്നോട്ടടിക്കൂ, ശാശ്വതമായി തടയാൻ കഴിയില്ല.

Israel’s Defense Minister Israel Katz has instructed the military to develop an "Enforcement Plan" against Iran, focusing on maintaining air superiority, halting Iran’s nuclear and missile programs, and countering its support for terrorist groups. The strategy, unveiled as the "Rising Lion" doctrine, aims to sustain military pressure on Iran. Recent satellite imagery indicates resumed activity at Iran’s Natanz nuclear facility, amid ongoing assessments of US-led airstrikes’ impact on Iran’s nuclear infrastructure.