കോഴിക്കോട്: മാവൂർ പൊലിസ് സ്റ്റേഷന് സമീപത്തുള്ള ബൈക്ക് ഷോറൂമിൽ തീപിടുത്തം. ഏഴ് വാഹനങ്ങൾ കത്തിനശിച്ചു. സർവീസിനായി ഉടമകൾ നൽകിയിരുന്ന വാഹനങ്ങൾ ഉൾപ്പെടെയാണ് കത്തിയത്. ഇന്ന് പുലർച്ചെ മൂന്ന് മണിയോടെയാണ് അപകടമുണ്ടായത്. കെ.എം.എച്ച് മോട്ടോഴ്‌സ് എന്ന സ്ഥാപനത്തിലാണ് തീപിടുത്തമുണ്ടായത്. തീ നിയന്ത്രണവിധേയമായി.

അപകടമുണ്ടായ ഉടൻ തന്നെ മാവൂർ പൊലിസ് സ്റ്റേഷനിൽ ഡ്യൂട്ടിയിലുണ്ടായിരുന്ന പൊലിസുകാരും യാത്രക്കാരും ചേർന്ന് തീയണക്കാൻ ശ്രമം നടത്തി. പിന്നീട് മുക്കം അഗ്നിരക്ഷാ സേനയും സ്ഥലത്തെത്തി തീ നിയന്ത്രണ വിധേയമാക്കുകയായിരുന്നു. രാവിലെ ആറ് മണിയോടെയാണ് തീ പൂർണമായും നിയന്ത്രണവിധേയമായത്. 

ALSO READ: മുല്ലപ്പെരിയാര്‍ ഡാം ഇന്ന് തുറന്നേക്കും; 3,220 പേരെ മാറ്റിപാര്‍പ്പിച്ചു

ആകെ ഏഴ് ബൈക്കുകൾ കത്തിയതായാണ് വിവരം. ഒരു പുതിയ ബൈക്കും സർവീസ് ചെയ്യാനായി നൽകിയ ആറ് ബൈക്കുകളും കത്തിനശിച്ചിട്ടുണ്ട്. സർവീസ് സെന്ററിലെ ഷോർട്ട് സർക്യൂട്ടാണ് അപകടത്തിന് കാരണമായതെന്നാണ് പ്രാഥമിക നിഗമനം.