കോയമ്പത്തൂര്‍: താടിവച്ചതിന്റെ പേരില്‍ കോയമ്പത്തൂരിലെ സ്വകാര്യ മെഡിക്കല്‍ കോളജില്‍ സൂപ്പര്‍ സ്‌പെഷ്യാലിറ്റി ബിരുദത്തിന് പ്രവേശനം നിഷേധിച്ചതായി പരാതി. കശ്മീരില്‍ നിന്നുള്ള എം.ബി.ബി.എസ് ബിരുദധാരിയാണ് പരാതിക്കാരന്‍. സംഭവം വിവാദമായതിന് പിന്നാലെ  മുഖ്യമന്ത്രി എം.കെ സ്റ്റാലിന്‍ മെഡിക്കല്‍ വിദ്യാഭ്യാസ വകുപ്പിനോട് വിശദീകരണം തേടി. കൊവൈ മെഡിക്കല്‍ സെന്റര്‍ ആൻഡ് ഹോസ്പിറ്റിലിലെ നെഫ്രോളജി വിഭാഗത്തില്‍ സൂപ്പര്‍ സ്‌പെഷ്യാലിറ്റി ബിരുദത്തിന് ചേരാനെത്തിയ യുവാവിനാണ് സ്ഥാപനമേധാവികളില്‍ നിന്ന് ദുരനുഭവമുണ്ടായത്. 

ജൂണ്‍ 17ന് കോഴ്‌സിന് പ്രവേശനം നേടാനായി സ്ഥാപനത്തില്‍ അഭിമുഖത്തിന് എത്തിയ യുവാവിനോട് നീണ്ട താടി അനുവദിക്കില്ലെന്ന് ചിലര്‍ പറഞ്ഞു. സ്ഥാപന മേധാവിയെ കണ്ടെങ്കിലും താടി അനുവദനീയമല്ലെന്ന നിലപാടാണ് സ്വീകരിച്ചത്. തുടര്‍ന്ന് നാഷണല്‍ മെഡിക്കല്‍ കമ്മിഷന്റെ കീഴിലുള്ള പോസ്റ്റ് ഗ്രാജ്വേറ്റ് മെഡിക്കല്‍ എജ്യുക്കേഷന്‍ ബോര്‍ഡില്‍ യുവാവ് പരാതി നല്‍കി. വിശ്വാസപരമായ കാര്യമായതിനാല്‍ താടിവയ്ക്കാന്‍ അനുമതി നല്‍കണമെന്നാണ് യുവാവ് ആവശ്യപ്പെട്ടത്.

ജൂണ്‍ 26നുള്ളില്‍ യുവാവിന് മെഡിക്കല്‍ കോളജില്‍ പ്രവേശനം നല്‍കണമെന്ന് ബോര്‍ഡ് ഉത്തരവിട്ടു. പിന്നീട്, താടി എടുക്കാതെ യുവാവിന് പ്രവേശനം നല്‍കാമെന്ന് മെഡിക്കല്‍ കോളജുമായി ബന്ധപ്പെട്ട ചിലര്‍ യുവാവിനെ അറിയിച്ചെങ്കിലും താന്‍ മാനസികമായി അതിന് തയാറല്ലെന്ന നിലപാടിലാണ് യുവാവ്.

Dr. Zubair Ahmad, a Kashmiri doctor, was allegedly denied admission to a DrNB (Nephrology) seat at Kovai Medical Centre and Hospital (KMCH) in Coimbatore for refusing to shave his beard, citing religious obligations. Despite offering to cover it with a mask, the hospital insisted on a clean-shaven policy. Dr. Ahmad withdrew, requesting a refund of his ₹2 lakh deposit and permission for further counseling. The Jammu and Kashmir Students Association called it religious discrimination, urging Tamil Nadu CM M.K. Stalin to intervene. KMCH claims they only asked for a trimmed beard for hygiene, not denial of admission.