തിരുവനന്തപുരം: സംസ്ഥാനത്ത് ഇന്നും അതിശക്തമായ മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. പത്തനംതിട്ട, കോട്ടയം, ഇടുക്കി, മലപ്പുറം, വയനാട് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. മറ്റു ജില്ലകളിൽ യെല്ലോ അലർട്ടും നിലവിലുണ്ട്. മണിക്കൂറിൽ 40 മുതൽ 50 കിലോമീറ്റർ വേഗത്തിൽ കാറ്റടിക്കാൻ സാധ്യതയുണ്ടെന്നും മുന്നറിയിപ്പുണ്ട്.

കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിന് ഇന്നും വിലക്ക് ഏർപ്പെടുത്തിയിട്ടുണ്ട്. മലയോര മേഖലകളിൽ മഴ ശക്തമാകാനുള്ള സാധ്യത കണക്കിലെടുത്ത് പ്രത്യേക ജാഗ്രതാ നിർദേശം നൽകിയിട്ടുണ്ട്.

മുല്ലപ്പെരിയാർ അണക്കെട്ടിലെ ജലനിരപ്പ് 135.5 അടിയാണ്. 136 അടിക്ക് മുകളിലെത്തിയാൽ സ്പിൽവേ ഷട്ടറുകൾ തുറന്ന് തമിഴ്നാട്ടിലെ പെരിയാർ നദിയിലേക്ക് വെള്ളം ഒഴുക്കും. നിലവിൽ സെക്കന്റിൽ 3,800 ഘനയടി ജലം അണക്കെട്ടിലേക്ക് ഒഴുകിയെത്തുമ്പോൾ 2,050 ഘനയടി വെള്ളം തമിഴ്നാട് കൊണ്ടുപോകുന്നുണ്ട്. മഴയും നീരൊഴുക്കും കുറഞ്ഞതിനാൽ ഷട്ടറുകൾ തുറക്കേണ്ടിവരില്ലെന്നാണ് തമിഴ്നാടിന്റെ വിലയിരുത്തൽ. എന്നിരുന്നാലും, ഷട്ടറുകൾ തുറക്കാനുള്ള സാധ്യത കണക്കിലെടുത്ത് ഇടുക്കി ജില്ലാ ഭരണകൂടം മുന്നൊരുക്കങ്ങൾ നടത്തിയിട്ടുണ്ട്.

Thiruvananthapuram: Heavy rains are expected to continue in Kerala today, with an orange alert issued for Pathanamthitta, Kottayam, Idukki, Malappuram, and Wayanad districts. Yellow alerts are in place for other districts. Winds up to 40-50 kmph are likely. Fishing is banned along Kerala, Karnataka, and Lakshadweep coasts. Special caution is advised in hilly areas. Mullaperiyar dam’s water level is at 135.5 feet; spillway shutters may open if it exceeds 136 feet. Idukki authorities are prepared.