ഇസ്ലാമാബാദ്: പാകിസ്താനിലുണ്ടായ പ്രളയത്തിൽപ്പെട്ട് വിനോദ സംഘത്തിൽ ഉണ്ടായിരുന്ന ഒരു കുടുംബത്തിലെ 18 ആളുകൾ ഒഴുകിപ്പോയി. ഖൈബർ പക്തൂൻഖ പ്രവിശ്യയിലെ നദിയിലാണ് അപകടം സംഭവിച്ചത്. സംഭവത്തിൽ 12 മൃതദേഹങ്ങൾ സ്വാത് ബൈപ്പാസിനടുത്തുള്ള ഹോട്ടലിന്റെ സമീപത്തുനിന്ന് കണ്ടെത്തി എന്നാണ് റിപ്പോർട്ടുകൾ സൂചിപ്പിക്കുന്നത്.

സ്വാത് താഴ്വരയിലെ വിനോദ സഞ്ചാര കേന്ദ്രത്തിൽ നദീതീരത്തിരുന്ന് ഭക്ഷണം കഴിക്കുന്നതിനിടെ നദിയിലേക്ക് വെള്ളം ശക്തമായി എത്തുകയായിരുന്നു. ഈ സാഹചര്യത്തിൽ ആളുകൾക്ക് രക്ഷപ്പെടാൻ സാധിക്കാതെ പോവുകയായിരുന്നു. ഈ ദുരന്തത്തിന്റെ പശ്ചാത്തലത്തിൽ ഗവൺമെന്റ് വിവിധ ഇടങ്ങളിൽ രക്ഷാപ്രവർത്തനങ്ങൾക്കായി ക്രമീകരണങ്ങൾ നടത്തിയിട്ടുണ്ട്.

Flash floods in Pakistan 18 people swept away by Swat River