തൃശൂർ: ഷൊർണൂർ-തൃശൂർ റൂട്ടിലെ ട്രെയിൻ ഗതാഗതം പു‍നസ്ഥാപിച്ചു. വടക്കാഞ്ചേരി റെയിൽവേ സ്റ്റേഷനും മുള്ളൂർക്കര റെയിൽവേ സ്റ്റേഷനും ഇടയിൽ അകമല റെയിൽവേ ഓവർബ്രിഡ്ജിന് സമീപം ട്രാക്കിന്റെ സംരക്ഷണഭിത്തി ഇടിഞ്ഞുവീണതിനെ തുടർന്ന് ഷൊർണൂർ-തൃശൂർ റൂട്ടിൽ ട്രെയിൻ ഗതാഗതം തടസ്സപ്പെട്ടിരുന്നു. വൈകിട്ട് 3.30-നും 5.00-നും ഇടയിൽ സംഭവിച്ച മണ്ണിടിച്ചിലിനെ തുടർന്നാണ് തൃശൂർ ഭാഗത്തേക്കുള്ള ട്രാക്കിൽ ഗതാഗതം പൂർണമായും തടസ്സപ്പെട്ടത്. 

കഴിഞ്ഞ പ്രളയകാലത്ത് ഇതേ മേഖലയിൽ വൻതോതിൽ മണ്ണിടിച്ചിൽ ഉണ്ടായതിനെ തുടർന്ന് കോൺക്രീറ്റ് സംരക്ഷണഭിത്തി സ്ഥാപിച്ച് മണ്ണിടിച്ചിൽ തടയാനുള്ള പ്രവൃത്തികൾ പുരോഗമിച്ചുവരികയായിരുന്നു. എന്നാൽ, ഈ ഭാഗത്ത് വീണ്ടും മണ്ണ് വീണതാണ് ഗതാഗത തടസ്സത്തിന് കാരണമായത്. റെയിൽവേ ജീവനക്കാർ സ്ഥലത്തെത്തി ട്രാക്കിൽ വീണ മണ്ണും കല്ലും നീക്കം ചെയ്യാനുള്ള ശ്രമങ്ങൾ തുടരുകയാണ്. എന്നാൽ, ഗതാഗതം പൂർണമായും പുനഃസ്ഥാപിക്കാൻ ഇതുവരെ സാധിച്ചിട്ടില്ല. തൃശൂരിൽ നിന്ന് ഷൊർണൂർ ഭാഗത്തേക്കുള്ള ട്രെയിനുകൾക്ക് തടസ്സമില്ലെങ്കിലും, തൃശൂർ ഭാഗത്തേക്കുള്ള ട്രെയിനുകൾ വലിയ തോതിൽ വൈകിയാണ് ഓടികൊണ്ടിരുന്നത്.