പട്‌ന: ബിഹാറില്‍ വോട്ട് മോഷണം ആരോപിച്ച് രാഹുല്‍ ഗാന്ധിയുടെ നയിക്കുന്ന വോട്ടര്‍ അധികാര്‍ യാത്ര 13 ാം ദിവസത്തിലേക്ക് കടന്നു. വന്‍ ജനാവലിയാണ് യാത്രയെ അനുഗമിക്കുന്നത്. യാത്ര സെപ്തംബര്‍ ഒന്നിന് പാട്‌നയില്‍ സമാപിക്കും. സമാപനറാലി ഇന്‍ഡ്യാ സഖ്യത്തിന്റെ ശക്തിപ്രകടനമായി മാറും.

വോട്ടര്‍ അധികാര്‍ യാത്രയുടെ സമാപനം ഭരണകൂടത്തിനും ഭരണഘടനാ തത്വങ്ങള്‍ ലംഘിക്കുന്ന തെരഞ്ഞെടുപ്പ് കമ്മീഷനുമുള്ള മുന്നറിയിപ്പായി മാറുമെന്ന് കോണ്‍ഗ്രസ് മാധ്യമ വിഭാഗം മേധാവി പവന്‍ ഖേര പറഞ്ഞു. സമാപന റാലിയില്‍ ഇന്‍ഡ്യാ സഖ്യത്തിലെ മുഖ്യമന്ത്രിമാര്‍, നേതാക്കള്‍ എന്നിവര്‍ പങ്കെടുക്കുമെന്നും പവന്‍ ഖേര വ്യക്തമാക്കി.

ഓഗസ്റ്റ് 17ന് സസാറാമില്‍ നിന്നാണ് രാഹുലിന്റെ വോട്ടര്‍ അധികാര്‍ യാത്ര ആരംഭിച്ചത്. 16 ദിവസം കൊണ്ട് ഇരുപത് ജില്ലകളിലൂടെ 1,300 കിലോമീറ്ററാണ് രാഹുല്‍ യാത്രയുമായി സഞ്ചരിക്കുക. 

വോട്ട് മോഷണത്തിലൂടെയാണ് മോദി പ്രധാനമന്ത്രിയായത്: രാഹുല്‍

പാട്‌ന: വോട്ടുമോഷണത്തിലൂടെയാണ് നരേന്ദ്ര മോദി പ്രധാനമന്ത്രി പദത്തിലെത്തിയതെന്ന് ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി. ബിഹാറില്‍ വോട്ടര്‍ അധികാര്‍ യാത്രയ്ക്ക് നല്‍കിയ സ്വീകരണ സമ്മേളനത്തില്‍ സംസാരിക്കുകയായിരുന്നു രാഹുല്‍. ലോക്‌സഭാ തെരഞ്ഞെടുപ്പില്‍ വോട്ട് മോഷണം നടത്തിയാണ് മോദി പ്രധാനമന്ത്രിയായത്. ഇതിനുള്ള തെളിവുകളാണ് പുറത്തുവന്നത്. നിയമസഭാ തെരഞ്ഞെടുപ്പുകളിലും വ്യാപകമായി വോട്ട് മോഷണം നടത്തി. ബിഹാറില്‍ മോദിയും സംഘവും വോട്ട് മോഷണം നടത്തിയെന്ന കാര്യം കുട്ടികള്‍ പോലും സമ്മതിക്കുകയാണ്. കര്‍ണാടകയില്‍ നടത്തിയ സംഘടിതമായ വോട്ട് മോഷണത്തോടെയാണ് രാജ്യത്ത് തെരഞ്ഞെടുപ്പ് കമ്മീഷനെ ഉപയോഗിച്ച് ഭരണകൂടം നടത്തിയ വെട്ടിപ്പ് പുറത്തുവന്നത്. വരും ദിവസങ്ങളില്‍ കൂടുതല്‍ സംസ്ഥാനങ്ങളിലെ വോട്ട് മോഷണം സംബന്ധിച്ച വസ്തുതകള്‍ കൂടി പുറത്തുവിടും.

രാജ്യത്തെ പൗരന്‍മാരുടെ വോട്ട് ഇല്ലാതാക്കുക വഴി റേഷന്‍ കാര്‍ഡ് നിഷേധിക്കാനാണ് നീക്കം. റേഷന്‍ കാര്‍ഡിന് പിന്നാലെ ജനങ്ങളുടെ ഭൂമിയുടെ അവകാശവും ഇല്ലാതാക്കും. ജനത്തെ കുടിയിറക്കിയ ശേഷം ഭൂമി അദാനിക്കും അംബാനിക്കും കൈമാറാനാണ് ഭരണകൂടം ശ്രമിക്കുന്നത്. തെരഞ്ഞെടുപ്പ് കമ്മീഷന്‍ നടത്തുന്ന വെട്ടിപ്പ് തടയാനാണ് വോട്ടര്‍ അധികാര്‍ യാത്ര നടത്തുന്നത്. ബിഹാറില്‍ ഇനി തട്ടിപ്പ് നടത്താന്‍ ഇന്‍ഡ്യാ സഖ്യം അനുവദിക്കില്ലെന്നും രാഹുല്‍ വ്യക്തമാക്കി. ബിഹാര്‍ പ്രതിപക്ഷ നേതാവ് തേജസ്വി യാദവും യാത്രയില്‍ അണിചേര്‍ന്നു.

ALSO READ: ബംഗാളിലും ബിഹാര്‍ മോഡല്‍ വിവാദ വോട്ടര്‍പട്ടിക പരിഷ്‌കരണം; പിന്നാലെ കേരളത്തിലും വന്നേക്കും

In a change of strategy, the Voter Adhikar Yatra led by Congress leader Rahul Gandhi and other Mahagathbandhan leaders in Bihar will now conclude with a march in Patna instead of a rally on September 1 with top leaders of the alliance addressing at various points.