റിയാദ്: താമസസ്ഥലത്ത് വച്ച് ദേഹാസ്വാസ്ഥ്യം ഉണ്ടായതിനെത്തുടര്‍ന്ന് പ്രവാസി യുവാവ് റിയാദില്‍ മരിച്ചു. കൊല്ലം ക്ലാപ്പന പെരുനാട് സ്വദേശി പുതുത്തെരുവ് കാവുംതറയില്‍ ഷമീര്‍(38) ആണ് മരിച്ചത്. താമസസ്ഥലത്ത് വച്ച് ദേഹാസ്വാസ്ഥ്യമനുഭവപ്പെട്ടതിനെ തുടര്‍ന്ന് ഷമീറിനെ റെഡ്ക്രസന്റ്‌സ് വിഭാഗം ആംബുലന്‍സില്‍ റിയാദിലെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ലെന്ന് സുഹൃത്തുക്കള്‍ അറിയിച്ചു.

കഴിഞ്ഞ 18 വര്‍ഷമായി റിയാദില്‍ ബത്ഹയിലെ സ്വകാര്യ സ്ഥാപനത്തില്‍ ജോലിചെയ്തുവരികയായിരുന്നു. 
ഭാര്യ അന്‍സിലയും മക്കളായ മുഹമ്മദ് ഫര്‍ഹാന്‍, ഫൈഹ, മുഹമ്മദ് ഫൗസാന്‍ എന്നിവരും വര്‍ഷങ്ങളായി റിയാദില്‍ ഷമീറിനൊപ്പമുണ്ട്. പരേതനായ അബ്ദുല്‍ സലാം- റംല ദമ്പതികളുടെ മകനാണ്. ഷാനവാസ് (ബ്ലോക്ക് കോണ്‍ഗ്രസ് ജനറല്‍ സെക്രട്ടറി, ക്ലാപ്പന), ഷംല എന്നിവരാണ് സഹോദരങ്ങള്‍.
റിയാദ് ദാറുല്‍ ഷിഫ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മയ്യിത്ത് നടപടികള്‍ പൂര്‍ത്തീകരിച്ച് റിയാദില്‍ തന്നെ മറവുചെയ്യും.

young expatriate died in Riyadh after falling ill at his residence.