ഇംഫാൽ: മണിപ്പൂരിൽ സായുധസംഘത്തിന്റെ ആക്രമണത്തിൽ നാല് കുക്കി വിഭാഗക്കാർ കൊല്ലപ്പെട്ടു. മരിച്ചവരിൽ ഒരു സ്ത്രീയും ഉൾപ്പെടുന്നു. ചുരാചന്ദ്‌പൂർ ജില്ലയിലെ മോംഗ്ജംഗ് ഗ്രാമത്തിലാണ് ഞെട്ടിക്കുന്ന സംഭവം അരങ്ങേറിയത്.

തെൻഖോതാങ് ഹാവോകിപ് (48), സെയ്‌ഖോഗിൻ (34), ലെൻഗൗഹാവോ (35), ഫാൽഹിംഗ് (72) എന്നിവരാണ് കൊല്ലപ്പെട്ടവർ. ഇന്നലെ ഉച്ചയ്ക്ക് കുക്കി ഗോത്ര യൂനിയൻ നേതാവും രണ്ട് അംഗരക്ഷകരും കാറിൽ സഞ്ചരിക്കവേ, ഒളിഞ്ഞിരുന്ന അക്രമികൾ വെടിയുതിർക്കുകയായിരുന്നു. മൂവരും സംഭവസ്ഥലത്തുവച്ചുതന്നെ മരിച്ചു. തുടർന്ന് കാറിന് സമീപമുണ്ടായിരുന്ന ഒരു സ്ത്രീയെയും ആക്രമികൾ വെടിവച്ച് കൊലപ്പെടുത്തി. സംഭവത്തിന് പിന്നാലെ പൊലിസും സൈന്യവും പ്രദേശത്ത് തിരച്ചിൽ ആരംഭിച്ചു. കുക്കി നേതാവിന്റെ കൊലപാതകം മേഖലയിൽ വൻ പ്രതിഷേധത്തിന് കാരണമായി. നൂറുകണക്കിന് ആളുകൾ തെരുവിലിറങ്ങി രോഷം പ്രകടിപ്പിച്ചു.

രാഷ്ട്രപതിഭരണം ഏർപ്പെടുത്തിയ ശേഷം മണിപ്പൂരിൽ സമാധാനം പുനഃസ്ഥാപിച്ചുവെന്ന കേന്ദ്രസർക്കാർ വാദങ്ങൾക്ക് വിപരീതമായാണ് ഈ ക്രൂരസംഭവം. സംസ്ഥാനത്ത് അശാന്തി തുടരുന്നതിന്റെ സൂചനയാണ് പുതിയ ആക്രമണം.

In Manipur's Imphal, a violent attack by an armed group killed four Kuki individuals, including a woman, in Mongjung village near Churachandpur. The victims, including a Kuki tribal union leader and his bodyguards, were shot dead while traveling in a car. The incident sparked widespread protests in Kuki areas, challenging the central government's claim of restored peace after President's Rule. Police and military are searching for the attackers.