കോട്ടയം: കോട്ടയത്ത് വാഹനങ്ങൾ കൂട്ടിയിടിച്ച് മറിഞ്ഞുണ്ടായ അപകടത്തിൽ രണ്ട് മരണം. അഞ്ച് പേർക്ക് പരുക്കേറ്റു. കോട്ടയം കൊല്ലാട് കുഴക്കീൽ ജെയ്‌മോൻ ജെയിംസ് (43), കൊല്ലാട് മംഗളാലയം അർജുൻ (19) എന്നിവരാണ് മരിച്ചത്. ഗുരുതരമായി പരുക്കേറ്റ ജാദവിനെ കോട്ടയം മെഡിക്കൽ കോളേജ് ആശുപത്രിയിലെ വെന്റിലേറ്ററിലേയ്ക്കു മാറ്റിയിട്ടുണ്ട്. മറ്റുള്ളവരെയും ആശുപത്രിയിൽ പ്രവേശിപ്പിച്ചു.

കോടിമതയിൽ തിങ്കളാഴ്ച രാത്രി 12 മണിയോടെയാണ് അപകടമുണ്ടായത്. മണിപ്പുഴ ഭാഗത്ത് നിന്ന് കോട്ടയം ഭാഗത്തേയ്ക്ക് പോകുകയായിരുന്ന0 ബൊലേറോ ജീപ്പ് എതിർ ദിശയിൽ നിന്നും വരുന്ന പിക്കപ്പ് വാനുമായി ജീപ്പ് കൂട്ടിയിടിക്കുകയായിരുന്നു. അപകടത്തെ തുടർന്ന് ബൊലേറോ ജീപ്പ് തലകീഴായി മറിഞ്ഞതാണ് അപകടത്തിന്റെ വ്യാപ്തി വർധിച്ചത്. രണ്ട് റൗണ്ട് മറിഞ്ഞാണ് ജീപ്പ് റോഡിൽ നിന്നത്. മരിച്ച രണ്ടുപേരും ഈ വാഹനത്തിൽ ഉണ്ടായിരുന്നവരായിരുന്നു.

ഓടിക്കൂടിയ നാട്ടുകാർ ചേർന്നാണ് പരിക്കേറ്റവരെ ആശുപത്രിയിൽ എത്തിച്ചത്. അപകട വിവരം അറിഞ്ഞ് കോട്ടയത്ത് നിന്ന് അഗ്നിരക്ഷാ സേനയും സ്ഥലത്ത് എത്തി. ബൊലേറോയ്ക്ക് ഉള്ളിൽ പെട്ട ഡ്രൈവർ ജെയ്‌മോനെ വാഹനം വെട്ടിപ്പൊളിച്ചാണ് പുറത്തെടുത്തത്. പരുക്കേറ്റവർ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്. 

ALSO READ: കോട്ടയം ജയിലിൽ നിന്ന് രക്ഷപ്പെട്ട പ്രതിയെ പിടികൂടാനായില്ല; അന്വേഷണം ഊർജ്ജിതമാക്കി പൊലിസ്

ബൊലേറോയ്ക്ക് ഉള്ളിൽ അഞ്ചു പേരാണ് ഉണ്ടായിരുന്നത്. ഇതിൽ രണ്ടു പേർ മരിക്കുകയും മൂന്നു പേർക്ക് പരുക്കേൽക്കുകയും ചെയ്തു. ഇതിൽ ഒരാളുടെ നില ഗുരുതരമാണ്. പിക്കപ്പ് വാനിനുള്ളിൽ രണ്ടു പേരാണ് ഉണ്ടായിരുന്നത്. ഇവർക്കും പരുക്കേറ്റെങ്കിലും ഗുരുതരമല്ല.

ഇടിയുടെ ആഘാതത്തിൽ ബൊലേറോ ജീപ്പ് പൂർണമായും തകർന്നു. പിക്കപ്പ് വാനിനും സാരമായി കേടുപാടുകൾ സംഭവിച്ചു. 

A tragic road accident in Kottayam resulted in the death of two individuals and injuries to five others after multiple vehicles collided and overturned. The deceased have been identified as Jaimon James (43) from Kuzhakkil, Kollad, and Arjun (19) from Mangalalayam, Kollad.