മട്ടന്നൂര്‍: കളറോഡില്‍ മലബാര്‍ ഇംഗ്ലിഷ് സ്‌കൂളിനു സമീപത്തായി അത്യാധുനിക സൗകര്യത്തോടുകൂടിയ പാര്‍പ്പിട സൗകര്യം ഒരുക്കുകയെന്ന ലൈഫ് ഇന്‍ സിറ്റി പ്രൊജക്ടിന്റെയും സ്വിമ്മിങ് പൂള്‍, മിനി സൂപ്പര്‍മാര്‍ക്കറ്റ് തുടങ്ങി അനുബന്ധ പ്രവൃത്തികളുടെയും പ്രവര്‍ത്തനോദ്ഘാടനം മന്ത്രി ഇ.പി ജയരാജന്‍ നിര്‍വഹിച്ചു.
സേഫ് ഹോംസ് ആന്‍ഡ് ഡവലപ്പേഴ്‌സ് എക്‌സിക്യൂട്ടീവ് ഡയറക്ടര്‍ കെ.പി ഇബ്രാഹിം പ്രൊജക്ട് വിശദീകരണവും എന്‍സെംബ്ലി ആര്‍കിടെക്ട് ആന്‍ഡ് കണ്‍സള്‍ട്ടന്‍സ് എം.ഡി വിജിത്ത് പ്രൊജക്ട് അവതരണവും നടത്തി. ലോഞ്ചിങ് സെയില്‍ സേഫ് ഹോംസ് ഡവലപ്പേഴ്‌സ് എം.ഡിയും വിന്റര്‍ഗ്രീന്‍ ചെയര്‍മാനുമായ എന്‍ജിനിയര്‍ കെ.പി മുഹമ്മദ് കുഞ്ഞി നിര്‍വഹിച്ചു. ടി.പി ഗ്രൂപ്പ് ഓഫ് ഇന്‍സ്റ്റിറ്റിയൂഷന്‍ ചെയര്‍മാനും മെഡാക് എം.ഡിയുമായ ടി.പി മുഹമ്മദ്, ഇരിട്ടി നഗരസഭാ ചെയര്‍മാന്‍ പി.പി അശോകന്‍, മട്ടന്നൂര്‍ നഗരസഭാ ചെയര്‍മാന്‍ ഭാസ്‌കരന്‍, ഡോ. ഷാജഹാന്‍, ടി. രവീന്ദ്രന്‍, മുസ്തഫ ചുര്യോട്ട്, കെ.പി രമേശന്‍ സംസാരിച്ചു.