കോഴിക്കോട്: കേരള എൻജിനീയറിങ്, ഫാർമസി എൻട്രൻസ് പരീക്ഷ ഫലം ഉന്നത വിദ്യാഭ്യാസ മന്ത്രി ഡോ. ആർ. ബിന്ദു പ്രഖ്യാപിച്ചു. കോഴിക്കോട്ട് നടത്തിയ വാർത്താസമ്മേളനത്തിലായിരുന്നു ഔദ്യോഗിക ഫല  പ്രഖ്യാപനം. എൻജിനീയറിങ് പ്രവേശന പരീക്ഷക്കെത്തിയ 86,549 വിദ്യാർഥികളിൽ  76,230 പേരും യോഗ്യത നേടി. 67,505 പേർക്ക് എൻജിനീയറിങ് റാങ്ക് ലിസ്റ്റിൽ ഇടം ലഭിച്ചു. ഫാർമസി പരീക്ഷയിൽ 27,841 പേർ യോഗ്യത നേടി.

എൻജിനീയറിങ് വിഭാഗത്തിൽ എറണാകുളം സ്വദേശി ജോൺ ഷിനോജ് ഒന്നാം റാങ്ക് നേടി. ഹരികൃഷ്ണൻ ബൈജു രണ്ടാം റാങ്ക് നേടിയപ്പോൾ മൂന്നാം റാങ്ക് അക്ഷയ് ബിജുവിനാണ്. പെൺകുട്ടികളിൽ ദിവ്യ രുഹു ഒമ്പതാം റാങ്കോടെ മുന്നിലെത്തി. 

ALSO READ: ദേശീയ പതാക കാവിയാക്കണമെന്ന പരാമർശം നടത്തിയ ബിജെപി നേതാവ് എൻ ശിവരാജന് പൊലിസ് നോട്ടീസ്

ഫാർമസി വിഭാഗത്തിൽ ഒന്നാം റാങ്ക് ആലപ്പുഴ സ്വദേശിനി അനഘ അനിലിനാണ്. രണ്ടാം റാങ്ക് കോട്ടയം സ്വദേശി ഹൃഷികേശ് ആർ. ഷേണായി സ്വന്തമാക്കിയപ്പോൾ, മൂന്നാം റാങ്ക് മലപ്പുറം സ്വദേശിനി ഫാത്തിമാത്തു സഹ്റക്കാണ്. 

അപേക്ഷയിലെയും അപ്‌ലോഡ് ചെയ്ത സർട്ടിഫിക്കറ്റുകളിലെയും തെറ്റുകൾ തിരുത്താൻ അവസരം ലഭിക്കും. 2025 എഐസിടി അക്കാദമിക് കലണ്ടർ അനുസരിച്ച്, ബിടെക് പ്രവേശന നടപടികൾ 2025 ഓഗസ്റ്റ് 14നകം പൂർത്തീയാക്കണമെന്ന് മന്ത്രി വ്യക്തമാക്കി.

The Kerala Engineering and Pharmacy Entrance Exam results have been officially announced by Higher Education Minister Dr. R Bindu. In the engineering entrance exam, out of 86,549 students who appeared, 76,230 qualified, with 67,505 securing a rank in the engineering rank list. In the pharmacy exam, 27,841 students qualified. John Shinoj from Ernakulam topped the engineering segment, while Anagha Anil secured the top rank in pharmacy ¹.