എല്ലാ ഭക്ഷണങ്ങളും ഒരു പരിധിവരെ രക്തത്തിലെ പഞ്ചസാരയുടെ അളവ് വര്‍ധിപ്പിക്കും. എന്നാല്‍ പ്രോട്ടീനും നാരുകളും കൂടുതലടങ്ങിയ ഭക്ഷണങ്ങളാണ് കഴിക്കുന്നതെങ്കില്‍ കുഴപ്പമില്ല. കാര്‍ബോ ഹൈഡ്രേറ്റ് അടങ്ങിയ ഭക്ഷണങ്ങള്‍ പ്രോട്ടീന്‍ അല്ലെങ്കില്‍ ആരോഗ്യകരമായ കൊഴുപ്പുമായി സംയോജിപ്പിക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കാന്‍ സാഹായിക്കും. രക്തത്തിലെ പഞ്ചസാരയുടെ അളവ് സ്ഥിരമായി കുറയ്ക്കാന്‍ സഹായിക്കുന്ന ഭക്ഷണങ്ങള്‍ ഏതൊക്കെയാണെന്നു നോക്കാം.

 

കടല്‍ മത്സ്യങ്ങള്‍

മിക്ക സമുദ്രവിഭവങ്ങളിലും മത്സ്യങ്ങളിലും പ്രോട്ടീനും ഒമേഗ3 ഫാറ്റി ആസിഡുകളും കൂടുതലാണ്. ഇത് രക്തത്തിലെ പഞ്ചസാരയുടെ അളവ് സ്ഥിരപ്പെടുത്താന്‍ സഹായിക്കും. രക്തത്തിലെ പഞ്ചസാരയുടെ അളവു കൂട്ടാന്‍ കഴിക്കേണ്ട ഭക്ഷണങ്ങളില്‍ ഒന്നാണ് കടല്‍ മത്സ്യങ്ങള്‍. പ്രോട്ടീന്‍, ആരോഗ്യകരമായ കൊഴുപ്പ്, വിറ്റാമിനുകള്‍, ധാതുക്കള്‍ തുടങ്ങിയവ അടങ്ങിയ കടല്‍മത്സ്യങ്ങള്‍ കഴിക്കുന്നത് ബ്ലഡ് ഷുഗര്‍ കൂടാതിരിക്കാന്‍ സഹായിക്കുന്നതാണ്. 

 

അവക്കാഡോ

സ്വാഭാവികമായും കാര്‍ബോ ഹൈഡ്രേറ്റ് കുറവായിരിക്കും അവക്കാഡോയില്‍. ഒമേഗാ -3 കൊഴുപ്പുകളുടെയും നാരുകളുടെയും മികച്ച ഉറവിടവുമാണ് അവക്കാഡോ. ഇത് രക്തത്തിലേക്ക് പഞ്ചസാരയുടെ ആഗിരണത്തെ മന്ദഗതിയിലാക്കുന്നതാണ്. നാരുകള്‍ അടങ്ങിയ അവക്കാഡോ കഴിക്കുന്നതും ബ്ലഡ് ഷുഗര്‍ കൂടാതിരിക്കാന്‍ സഹായിക്കുന്നതാണ്. 

 

 

സരസഫലങ്ങള്‍

മറ്റുപഴങ്ങളെ അപേക്ഷിച്ച് സരസഫലങ്ങളില്‍ പഞ്ചസാര കുറവും പോഷകങ്ങള്‍ കൂടുതലുമായിരിക്കും. നാരുകളും ആന്റിഓക്‌സിഡന്റുകളും കൂടുതലുള്ള ഇവയ്ക്കു രക്തത്തിലെ പഞ്ചസാരയുടെ അളവ് ക്രമീകരിക്കാനും സ്‌ട്രെസ് കുറയ്ക്കാനും സഹായിക്കും. 

പയര്‍വര്‍ഗങ്ങള്‍

ഫൈബറും പ്രോട്ടീനും ധാരാളമടങ്ങിയ പയര്‍വര്‍ഗങ്ങള്‍ ബ്ലഡ് ഷുഗര്‍ കുറയ്ക്കാന്‍ സഹായിക്കുന്നതാണ്. 

 

 

ഗ്രീക്ക് യോഗര്‍ട്ട്

പ്രോട്ടീന്‍ അടങ്ങിയ ഗ്രീക്ക് യോഗര്‍ട്ടും രക്തത്തിലെ പഞ്ചസാരയുടെ അളവു കൂടാതിരിക്കാന്‍ സഹായിക്കും. ഇത് രക്തത്തിലെ പഞ്ചസാരയെയും വിശപ്പിനെയും നിയന്ത്രിക്കുന്നതാണ്. കുടലിന്റെ ആരോഗ്യം മെച്ചപ്പെടുത്താന്‍ സഹായിക്കുന്ന പ്രോബയോട്ടിക്‌സിന്റെ നല്ലൊരുറവിടം കൂടിയാണിത്. തൈരിലെ കാല്‍സ്യവും വിറ്റാമിന്‍ ഡിയും അസ്ഥികളുടെ ആരോഗ്യം രക്തത്തിലെ നിയന്ത്രണം എന്നിവയെ പിന്തുണയ്ക്കുന്നു. 

ചിയാ സീഡ്

ഫൈബര്‍ മഗ്നീഷ്യം അടങ്ങിയ ചിയാ സീഡും ബ്ലഡ് ഷുഗര്‍ കൂടാതിരിക്കാന്‍ സഹായിക്കും. 

 

മുട്ട 

പ്രോട്ടീന്‍ ധാരാളമടങ്ങിയ മുട്ട പുഴുങ്ങിയത് പ്രമേഹരോഗികള്‍ക്ക് ധൈര്യത്തോടെ കഴിക്കാം. മുട്ട കുറഞ്ഞ കാര്‍ബ് ഭക്ഷണമാണ്. മുട്ടയിലടങ്ങിയ പ്രോട്ടീന്‍ നിങ്ങളുടെ രക്തത്തിലെ പഞ്ചസാരയുടെ അളവ് കുതിച്ചുയരാതിരിക്കാന്‍ സഹായിക്കും. പുഴുങ്ങിയമുട്ട, മുട്ട സാലഡ്, സ്‌ക്രാംബിള്‍ഡ് മുട്ടകള്‍ എന്നിവ കഴിക്കാവുന്നതാണ്. 

നട്‌സ് 

വിറ്റാമിന്‍ ഇയും ഒമേഗ 3 ഫാറ്റി ആസിഡും അറ്റും അടങ്ങിയ നട്‌സുകളും ബ്ലഡ് ഷുഗര്‍ കൂട്ടില്ല. 

 

ഇലക്കറികള്‍ 

ചീര, ബ്രോക്കോളി, മുരിങ്ങയില തുടങ്ങിയവയിലൊക്കെ കാര്‍ബോ, സോഡിയം, കൊളസ്‌ട്രോള്‍ എന്നിവ കുറവും പോഷകഗുണം ഉയര്‍ന്നതുമായിരിക്കും. ഈ ഇലകളില്‍ വിറ്റാമിന്‍ എ, കെ, സി എന്നവിയുടെ നല്ല ഉറവിടങ്ങള്‍ കൂടിയാണ്. ഇതും ബ്ലഡ് ഷുഗര്‍ കൂടാതിരിക്കാന്‍ സഹായിക്കും.  

 

 

All foods can affect blood sugar levels to some extent. However, foods high in protein and fiber are better choices for blood sugar control. Combining carbohydrates with healthy fats or protein can help slow down sugar absorption and avoid spikes. Here's a look at foods that help reduce or stabilize blood sugar levels.