ഇന്ത്യക്കാര്‍ക്ക് പ്രത്യേകിച്ച് മലയാളികള്‍ക്ക് മത്സ്യമില്ലാതെ ജീവിക്കാന്‍ പറ്റില്ലാത്തവരും ഉണ്ട്. ഭക്ഷണത്തില്‍ മത്സ്യത്തിനുള്ള പ്രാധാന്യം അത്രയ്ക്കുണ്ട്. പലതരത്തിലുള്ള മീനുകളായിരിക്കും പലരുടെയും ഇഷ്ടങ്ങള്‍. ഈ വിവിധ മത്സ്യങ്ങള്‍ നല്‍കുന്ന ആരോഗ്യഗുണങ്ങള്‍ മനസിലാക്കേണ്ടതും പ്രധാനമാണ്. ചില ഇനങ്ങള്‍ വാര്‍ധക്യത്തെ മന്ദഗതിയിലാക്കാനും ചര്‍മത്തിന്റെ നിറം മെച്ചപ്പെടുത്താനും രക്തത്തിലെ പഞ്ചസാരയും കൊളസ്‌ട്രോളും മെച്ചപ്പെടുത്താനും നിയന്ത്രിക്കാനും കാന്‍സര്‍ പോലുള്ള രോഗസാധ്യതകള്‍ കുറയ്ക്കാനും സഹായിക്കുന്നു. അതുകൊണ്ട് തന്നെ ആരോഗ്യകരമായ മത്സ്യങ്ങളെ  കുറിച്ച് അറിഞ്ഞിരിക്കേണ്ടതാണ്. 

ട്യൂണ

വലുപ്പം കുറവാണെങ്കിലും പോഷകത്തിന്റെയും കാല്‍സ്യത്തിന്റെയും കാര്യത്തില്‍ മികച്ചവയാണ് ട്യൂണ. ഇവയുടെ ഔഷധ ഗുണങ്ങള്‍ പറഞ്ഞറിയിക്കാന്‍ പറ്റാത്തവയുമാണ്. ഏറ്റവും മികച്ച മത്സ്യമായ ട്യൂണ സമ്മര്‍ദ്ദം കുറയ്ക്കാനും അസ്ഥികളെ ശക്തിപ്പെടുത്താനും സഹായിക്കുന്നു. 
ട്രൗട്ട്, സാല്‍മണ്‍, ട്യൂണ, അയല തുടങ്ങിയ കൊഴുപ്പുള്ള മത്സ്യങ്ങള്‍ കഴിക്കുന്നത് വിറ്റാമിന്‍ ഡിയുടെ കുറവു പരിഹരിക്കാന്‍ സഹായിക്കുമെന്ന് പഠനങ്ങള്‍ പറയുന്നു. മത്സ്യ എണ്ണ കഴിക്കുന്നതും ഗുണം ചെയ്യുന്നതാണ്. അതുകൊണ്ട് തന്നെ ഭക്ഷണത്തില്‍ കഴിവതും ട്യൂണ ഉള്‍പ്പെടുത്താന്‍ ശ്രമിക്കണം. 

ചെറുതെങ്കിലും തിളക്കമുള്ള ഈ വെള്ളി മത്സ്യത്തിന് പച്ചനിറത്തിലുള്ള പുറംഭാഗവും കൂര്‍ത്ത ത്രികോണാകൃതിയിലുളള വായയുമാണുള്ളത്. ഇതിനു പിന്നെയുള്ളത് ഒരു വാല്‍ മാത്രമാണ്. മറ്റു ചിറകുകളൊന്നുമില്ല. മാത്രമല്ല ഇവ വാല്‍ കൊണ്ട് മാത്രം മുന്നോട്ടു നീങ്ങുകയും 21 സെന്റീമിറ്റര്‍ വരെ നീളത്തില്‍ വളരുകയും ചെയ്യുന്നു. 

ട്യൂണകള്‍ ഇന്ത്യന്‍ മഹാസമുദ്രത്തിലും പടിഞ്ഞാറന്‍ പസഫിക് സമുദ്രത്തിലും വസിക്കുന്നു. ഇ വ ഭക്ഷണം തേടി സഞ്ചരിക്കുന്നു. ചെറിയ സമുദ്രജീവികളെയും മത്സ്യമുട്ടകളെയും കടല്‍ സസ്യങ്ങളില്‍ നിന്നുള്ള ആല്‍ഗകളെയും ഇവ ഭക്ഷിക്കുന്നു. ഇതാണ് ട്യൂണയെ രുചികരമാക്കുന്ന മീനാക്കുന്നത്. ഗര്‍ഭിണികള്‍ക്കും സുരക്ഷിതമായ മീന്‍ തന്നെയാണ് ട്യൂണ. ഈ മത്സ്യം മത്സ്യ പ്രേമികളുടെ ഹൃദയത്തില്‍ പ്രത്യേക സ്ഥാനം പിടിച്ചവയുമാണ്. 

കാല്‍സ്യം 

കാല്‍സ്യം ധാരാളമടങ്ങിയ ഈ മീന്‍ അസ്ഥികളെ ശക്തിപ്പെടുത്തുകയും ഓസ്റ്റിയോപൊറോസിസില്‍ നിന്ന് സംരക്ഷിക്കുകയും ചെയ്യുന്നു. ചര്‍മപ്രശ്‌നങ്ങള്‍ തടയാനും ചര്‍മത്തിന്റെ തിളക്കം നിലനിര്‍ത്താനും ഇതു സഹായിക്കുന്നു. 

മുടിക്ക്

മുടി കൊഴിച്ചില്‍ നന്നായി തടയാനും സമ്മര്‍ദം കുറയ്ക്കാനും മുടിയുടെ വളര്‍ച്ചയെ പ്രോല്‍സാഹിപ്പിക്കാനും ഇതു സഹായിക്കുന്നു. കാഴ്ചക്കുറവും മാനസിക സമ്മര്‍ദവുമുള്ളവര്‍ക്ക് ആഴ്ചയില്‍ രണ്ടോ മൂന്നോ തവണ ഈ മത്സ്യം കഴിക്കുന്നത് വളരെ നല്ലതാണ്. ട്യൂണ കറിവച്ചും അച്ചാറിട്ടും ഗ്രേവിയാക്കിയും വറുത്തും ഒക്കെ ട്യൂണ നിങ്ങള്‍ക്ക്  കഴിക്കാവുന്നതാണ്. ഇത് സാന്‍ഡ് വിച്ചിലോ ഗ്രേവികളിലോ ചേര്‍ത്തും കഴിക്കാവുന്നതാണ്. അത്താഴത്തിനോ ലഞ്ച്‌നോ ആണെങ്കില്‍ വറുത്തും കറിവച്ചും കഴിക്കാവുന്നതാണ്. അത് വളരെ രുചിയുള്ളതുമായിരിക്കും.