കൊച്ചി: ഇമെയിലൂടെ വിദേശത്തു നിന്നും പരാതികൾ ലഭിച്ചാലും എഫ്‌ഐആർ രജിസ്റ്റർ ചെയ്യണമെന്ന് ഹൈക്കോടതി. കേസ് എടുക്കേണ്ടതായ വിഷയമാണ് പരാതിയിൽ ഉള്ളതെങ്കിൽ ഇത് പൊലിസിന് തള്ളിക്കളയാൻ സാധിക്കില്ലെന്ന ഭാരതീയ നാഗരിക് സുരക്ഷ സംഹിതയിൽ വകുപ്പ് 173 പ്രകാരം സീറോ എഫ്‌ഐആറിൽ അടിസ്ഥാനത്തിൽ ജസ്റ്റിസ് കൗസർ എടപ്പഗത്ത് ചൂണ്ടിക്കാട്ടി.  

ഓസ്‌ട്രേലിയയിലുള്ള സ്ത്രീ തന്റെ ഭർത്താവിനെതിരെ 2020ൽ ഇമെയിൽ വഴി മുട്ടം പൊലിസിന് പരാതി നൽകിയിരുന്നു. എന്നാൽ ഇവർ വിദേശത്താണെന്നും പരാതിയിൽ ഒപ്പില്ല എന്നും ചൂണ്ടിക്കാട്ടി എഫ്ഐആർ രജിസ്റ്റർ ചെയ്യാതിരിക്കുകയായിരുന്നു. ഇതിനു പിന്നാലെയാണ് ഇവർ ഹൈക്കോടതിയെ സമീപിച്ചത്. പരാതിയിൽ നടപടി സ്വീകരിക്കണമെന്നും കോടതി നിർദേശം നൽകി.

അധികാരപരിധി നോക്കാതെ പരാതികൾ നൽകാൻ കഴിയുമെന്ന് ഉറപ്പാക്കുക എന്ന ലക്ഷ്യത്തോടെയാണ് സീറോ എഫ്‌ഐആർ അവതരിപ്പിച്ചിരിക്കുന്നതെന്നും കോടതി വ്യക്തമാക്കി. പരാതിയിൽ ഒരു കുറ്റകൃത്യം പറഞ്ഞാൽ ഇതിൽ പരാതിക്കാരന്റെ സ്ഥലമോ പരാതി നൽകിയ ഫോമോ പരിഗണിക്കാതെ എഫ്‌ഐആർ രജിസ്റ്റർ ചെയ്യാൻ പൊലിസ് ബാധ്യസ്ഥരാണെന്നും കോടതി പറഞ്ഞു. 

FIR must be registered even if complaints are received via email from abroad High Court