മുംബൈ: പ്ലസ് വൺ വിദ്യാർത്ഥിയെ ലൈംഗികമായി ചൂഷണം ചെയ്തെന്ന പരാതിയിൽ മുംബൈയിലെ പ്രമുഖ ഹയർസെക്കൻഡറി സ്കൂളിലെ 40-കാരിയായ ഇംഗ്ലിഷ് അധ്യാപിക അറസ്റ്റിൽ. വിവാഹിതയും രണ്ട് കുട്ടികളുടെ മാതാവുമായ അധ്യാപിക, പ്രായപൂർത്തിയാകാത്ത വിദ്യാർത്ഥിയെ പഞ്ചനക്ഷത്ര ഹോട്ടലുകൾ ഉൾപ്പെടെയുള്ള സ്ഥലങ്ങളിൽ വച്ച് ഒന്നിലധികം തവണ പീഡിപ്പിച്ചതായാണ് പരാതി. വിദ്യാർത്ഥിയുടെ സ്വഭാവത്തിൽ കണ്ട മാറ്റങ്ങൾ ശ്രദ്ധിച്ച കുടുംബാംഗങ്ങൾ ചോദിച്ചപ്പോഴാണ് ഞെട്ടിക്കുന്ന സംഭവം പുറത്തുവന്നത്.

2023 ഡിസംബറിൽ സ്കൂളിന്റെ വാർഷികാഘോഷത്തിനുള്ള നൃത്തപരിപാടിയുടെ തയ്യാറെടുപ്പിനിടെ വിദ്യാർത്ഥിയോട് അധ്യാപിക അടുപ്പം സ്ഥാപിച്ചതായി പൊലീസിന് മൊഴി നൽകിയിട്ടുണ്ട്. 2024 ജനുവരിയിൽ ആദ്യമായി വിദ്യാർത്ഥിയെ ലൈംഗികമായി ചൂഷണം ചെയ്തു. ആൺകുട്ടി തുടക്കത്തിൽ എതിർപ്പ് പ്രകടിപ്പിക്കുകയും അധ്യാപികയെ ഒഴിവാക്കാൻ ശ്രമിക്കുകയും ചെയ്തിരുന്നു. എന്നാൽ, അധ്യാപിക തന്റെ സുഹൃത്തിന്റെ സഹായത്തോടെ കുട്ടിയെ ബന്ധത്തിന് പ്രേരിപ്പിച്ചു. 16 വയസ്സുള്ള വിദ്യാർത്ഥിയോട് കൗമാരക്കാരും മുതിർന്ന സ്ത്രീകളും തമ്മിലുള്ള ബന്ധം സാധാരണമാണെന്ന് സുഹൃത്ത് പറഞ്ഞു.

തുടർന്ന്, വിദ്യാർത്ഥിയുമായി അടുപ്പം വള ഒരു വർഷത്തിലേറെ നീണ്ടുനിന്നു. അധ്യാപിക കുട്ടിയെ പഞ്ചനക്ഷത്ര ഹോട്ടലുകളിൽ എത്തിച്ച് ലൈംഗികമായി പീഡിപ്പിക്കുകയായിരുന്നു. മാനസിക പ്രയാസങ്ങൾ നേരിട്ട കുട്ടിക്ക് അധ്യാപിക ചില ഗുളികകളും നൽകിയതായി പൊലീസ് വെളിപ്പെടുത്തി.

വിദ്യാർത്ഥിയുടെ സ്വഭാവത്തിലെ മാറ്റങ്ങൾ ശ്രദ്ധിച്ച കുടുംബം വിവരങ്ങൾ അന്വേഷിച്ചപ്പോൾ പീഡന വിവരം പുറത്തുവന്നു. പ്ലസ് ടു പരീക്ഷ കഴിഞ്ഞാൽ അധ്യാപികയുടെ ശല്യം അവസാനിക്കുമെന്ന് കുടുംബം കരുതിയെങ്കിലും, പരീക്ഷയ്ക്ക് ശേഷം അധ്യാപിക വീട്ടുജോലിക്കാരി വഴി കുട്ടിയെ വീണ്ടും കാണാൻ ആവശ്യപ്പെട്ടു. ഇതോടെ കുടുംബം പൊലീസിൽ പരാതി നൽകി. പരാതിയെ തുടർന്ന് അധ്യാപികയ്ക്കെതിരെ പോക്സോ വകുപ്പുകൾ ഉൾപ്പെടെ ചുമത്തി കേസെടുത്തു. അധ്യാപികയുടെ കൂട്ടുകാരിക്കെതിരെയും പൊലീസ് കേസ് രജിസ്റ്റർ ചെയ്തിട്ടുണ്ട്.

A 40-year-old English teacher from a prominent higher secondary school was arrested for sexually abusing a Plus One student over a year, including at five-star hotels. The married mother of two allegedly began the abuse in January 2024 after bonding with the student during a school event in December 2023. Despite the student's initial resistance, the teacher, with help from a friend, coerced the minor. The friend, who convinced the 16-year-old that such relationships were normal, also faces charges. The case surfaced when the student’s family noticed behavioral changes and lodged a complaint, leading to charges under POCSO.