തിരുവനന്തപുരം: സംസ്ഥാനത്ത് തെരുവുനായ ആക്രമണം രൂക്ഷമായി തുടരുന്നു. തിരുവനന്തപുരത്ത് ഇരുപതോളം പേർക്ക് നായയുടെ കടിയേറ്റതാണ് ഏറ്റവും ഒടുവിലായി റിപ്പോർട്ട് ചെയ്ത സംഭവം. പോത്തൻകോട് ഇന്നലെ വൈകുന്നേരം ഏഴുമണിയോടെയാണ് ഇരുപതോളം പേർക്ക് കടിയേറ്റത്. കടിയേറ്റവർ മെഡിക്കൽ കോളേജിൽ ചികിത്സ തേടി. കടിച്ച നായയെ കണ്ടെത്താനായിട്ടില്ല.

മൂന്ന് സ്ത്രീകൾക്കും ഒൻപത് ഇതര സംസ്ഥാന തൊഴിലാളികളുമുൾപ്പെടെയുള്ള ഇരുപതോളം പേർക്കാണ് തെരുവിൽ നിന്ന് നായയുടെ കടിയേറ്റത്. എല്ലാവർക്കും കാലിലാണ് കടിയേറ്റത്. പോത്തൻകോട് ജംഗ്ഷൻ മുതൽ പൂലന്തറ വരെയുള്ള ഒന്നര കിലോമീറ്റർ ദൂരത്തിൽ ഉണ്ടായിരുന്നവർക്കാണ് കടിയേറ്റിട്ടുള്ളത്.

ALSO READ: അതിദാരിദ്ര്യ മുക്ത പ്രഖ്യാപനത്തിനൊരുങ്ങി കേരളം; സംസ്ഥാനത്ത് ബാങ്ക് വായ്പ എടുത്ത് കണക്കെണിയിലായ പതിനായിരത്തിലധികം കുടുംബങ്ങളെന്ന് സര്‍വേ റിപ്പോര്‍ട്ട്

അക്രമകാരിയായ നായയെ കണ്ടെത്താൻ ഇന്നലെ ശ്രമിച്ചെങ്കിലും ഫലമുണ്ടായില്ല. ഇന്ന് രാവിലെ തിരച്ചിൽ വീണ്ടും ആരംഭിക്കും. പോത്തൻകോട് ബസ്സ് സ്റ്റാന്റിലേക്കും മേലേമുക്കിലേക്കും തുടർന്ന് പൂലന്തറ ഭാഗത്തേക്കുമാണ് നായ ഓടിയത് എന്നാണ് ലഭ്യമായ വിവരം. ഈ ഭാഗത്തുള്ളവർ ജാഗ്രത പുലർത്തേണ്ടതുണ്ട്. 

അതേസമയം, സംസ്ഥാനത്ത് ഉടനീളം തെരുവ് നായ ശല്യം രൂക്ഷമാവുകയാണ്. പൊതു ഇടങ്ങളിൽ എല്ലാം തെരുവ് നായകൾ കയ്യടക്കിയിരിക്കുകയാണ്. കുട്ടികളെയും മറ്റും തനിച്ച് വിടാൻ കഴിയാത്ത സാഹചര്യം ഉണ്ടായിട്ടും ബന്ധപ്പെട്ട സർക്കാർ വകുപ്പുകൾ നടപടി എടുക്കാത്തതിൽ ജനങ്ങളുടെ പ്രതിഷേധം ഉയരുണ്ട്.

Stray dog attacks continue to escalate across the state of Kerala. The most recent incident was reported from Thiruvananthapuram, where around twenty people were bitten by stray dogs. The attack occurred yesterday evening around 7 PM in Pothencode. Those injured sought treatment at the Thiruvananthapuram Medical College. Authorities have not yet located the dog responsible for the attacks.