കോട്ടയം: കോട്ടയം മെഡിക്കൽ കോളജ് ആശുപത്രിയിലെ കെട്ടിടം തകർന്നു വീണു. പതിനാലാം വാർഡിന്റെ ഒരു ഭാഗമാണ് തകർന്നത്. രണ്ടുപേർക്കു പരുക്കു പറ്റിയെന്നാണു വിവരം. ആശുപത്രിക്ക് അകത്തുള്ള കെട്ടിടമാണ് തകർന്നത്. വൻദുരന്തമാണ് ഒഴിവായത്. രാവിലെ പതിനൊന്നുമണിയോടെയാണു കെട്ടിടം ഇടിഞ്ഞുവീണത്. കാലപ്പഴക്കവും ബലക്ഷയവുമാണ് കെട്ടിടം തകരാൻ കാരണമെന്നാണ് പ്രാഥമിക വിവരം.

എന്നാൽ, കെട്ടിട അവശിഷ്ടത്തിൽ നിന്ന് ഒരാളെ അൽപ സമയം മുൻപ് കണ്ടെത്തി. ആരെയാണ് കണ്ടെത്തിയത് എന്ന കാര്യങ്ങൾ അറിവായിട്ടില്ല. സ്ത്രീ ആണെന്നാണ് വിവരം. തകർന്നത് അടച്ചിട്ട കെട്ടിടമാണെന്ന് ആരോഗ്യമന്ത്രി വീണ ജോർജ്  പറഞ്ഞിരുന്നു. ഇതോടെ ആർക്കും കാര്യമായ അപകടം പറ്റിയില്ലെന്ന് കരുതിയിരിക്കുന്നതിനിടെയാണ് ഒരാളെ കണ്ടെത്തിയത്. ഇവരെ ആശുപത്രിയിലേക്കായി മാറ്റിയിട്ടുണ്ട്. അപകടം നടന്ന് രണ്ട് മണിക്കൂറോളം കഴിഞ്ഞാണ് ആളെ കണ്ടെത്തിയത്. രക്ഷാപ്രവർത്തനം വൈകിയെന്ന് ആരോപിച്ച് ആളുകൾ പ്രതിഷേധിക്കുകയാണ്. 

പരുക്കേറ്റത് വയനാട് സ്വദേശിനിയായ കുട്ടിക്ക്

അപകടത്തിൽ വയനാട് മീനങ്ങാടി സ്വദേശിയായ പതിനൊന്ന് വയസുകാരി അലീന വിൻസന്റിന് ആണ് പരുക്കേറ്റത്. ശസ്ത്രക്രിയ കഴിഞ്ഞ് ചികിത്സയിൽ കഴിയുന്ന മുത്തശി ത്രേസ്യാമ്മയുടെ കൂടെ ബൈ സ്റ്റാൻഡറായി നിൽക്കുകയായിരുന്നു അലീന. കുട്ടിയുടെ പരുക്ക് ഗുരുതരമല്ല.  അലീനയ്ക്ക് പുറമെ മെഡിക്കൽ കോളേജ് ജീവനക്കാരനായ ഒരാൾക്കും പരുക്കേറ്റിട്ടുണ്ട്

പരിക്കേറ്റവരുടെ പരുക്കുകൾ സാരമുള്ളതല്ല. കെട്ടിടം ഉപേക്ഷിച്ചെങ്കിലും ഇവിടെ ശുചിമുറി ഉണ്ടായിരുന്നു. കിഫ്ബിയിൽ ഉൾപ്പെടുത്തി നിർമിച്ച പുതിയ കെട്ടിടത്തിന്റെ നിർമാണം പൂർത്തിയായിരുന്നു. ഈ കെട്ടിടത്തിലേക്കു മാറാനുള്ള നടപടികൾ സ്വീകരിച്ചുവരികയായിരുന്നുവെന്ന് മന്ത്രി അറിയിച്ചു. വീണ ജോർജിന് പുറമെ മന്ത്രി വി.എൻ വാസവനും സ്ഥലത്തെത്തിയിട്ടുണ്ട്. ഗാന്ധിനഗർ പൊലിസും സ്ഥലത്തെത്തി. 

ALSO READ: ജാസ്മിന്റെ കൊലപാതകം; അച്ഛന് പിന്നാലെ അമ്മയും അമ്മാവനും കസ്റ്റഡിയിൽ

മൂന്നുനില കെട്ടിടത്തിന്റെ ശുചിമുറിയാണ് ഇടിഞ്ഞുവീണതെന്ന് ആശുപത്രി സൂപ്രണ്ട് ഡോ. ടി.കെ. ജയകുമാർ അറിയിച്ചു. 11, 14, 10 വാർഡുകളാണ് ഇവിടെ പ്രവർത്തിച്ചിരുന്നത്. താഴത്തെ രണ്ടു ശുചിമുറികളും പൂർണമായി ഉപയോഗിച്ചിരുന്നില്ല എന്നും അദ്ദേഹം പറഞ്ഞു. കെട്ടിടത്തിന് ഏറെ കാലപ്പഴക്കമുണ്ട്. 

A building collapse has been reported at the Kottayam Medical College Hospital. A portion of the 14th ward caved in, leading to injuries. According to initial reports, two people have been injured, and it is suspected that the victims are children. The collapsed structure was within the hospital premises, and three people were rescued from the debris.