ആലപ്പുഴ: ഓമനപ്പുഴയിൽ അച്ഛൻ മകളെ കൊലപ്പെടുത്തിയ കേസിൽ മരിച്ച എയ്ഞ്ചൽ ജാസ്മിന്റെ അമ്മയെയും അമ്മാവനെയും പൊലിസ് കസ്റ്റഡിയിലെടുത്തു. അമ്മ ജെസി, അമ്മാവൻ അലോഷ്യസ് എന്നിവരെയാണ് കസ്റ്റഡിയിൽ എടുത്തത്. ആദ്യം ജെസിയെയും പിന്നാലെ അലോഷ്യസിനെയും കസ്റ്റഡിയിൽ എടുത്തത്. ജെസിക്കെതിരെ പൊലീസിനെ തെറ്റിദ്ധരിപ്പിക്കാൻ ശ്രമിക്കൽ, കൊലപാതകം മറച്ചുവെക്കാൻ എന്നിവയും അലോഷ്യസിനെ തെളിവ് നശിപ്പിക്കലുമാണ് സംശയിക്കുന്നത്. 

തിങ്കളാഴ്ച രാത്രിയാണ് 29 കാരിയായ എയ്ഞ്ചൽ ജാസ്മിൻ കൊല്ലപ്പെട്ടത്. ഭർത്താവുമായി പിണങ്ങി കഴിയുകയായിരുന്ന യുവതി ജീവനൊടുക്കിയതെന്നായിരുന്നു ആദ്യം കരുതിയത്. സാധാരണ മരണമായി കാണിക്കാൻ കുടുംബം ശ്രമിക്കുകയും ചെയ്തു. രാവിലെ വീട്ടുകാരുടെ കരച്ചിലും ബഹളവും കേട്ടാണ് നാട്ടുകാർ ജാസ്മിന്റെ മരണവിവരം അറിയുന്നത്. വീട്ടുകാർ പറഞ്ഞത് പോലെ സ്വാഭാവിക മരണമെന്നാണ് എല്ലാവരും കരുതിയിയിരുന്നത്. ഇൻക്വസ്റ്റ് നടപടികൾ നടത്തിയ പൊലിസിന് സംശയം തോന്നിയതു കൊണ്ടാണ് പോസ്റ്റ്‌മോർട്ടത്തിനായി മൃതദേഹം വണ്ടാനം മെഡിക്കൽ കോളജിലെത്തിച്ചതും ഡോക്ടർമാരോട് ഇക്കാര്യം സൂചിപ്പിക്കുകയും ചെയ്തത്. 

ALSO READ: രാത്രിയില്‍ സ്ഥിരമായി മകള്‍ എയ്ഞ്ചല്‍ പുറത്തു പോകുന്നതിലെ തര്‍ക്കം; അച്ഛന്‍ മകളെ കൊന്നു

പോസ്റ്റ്‌മോർട്ടത്തിലാണ്  കൊലപാതകമാണെന്ന് സ്ഥിരീകരിക്കുന്നത്. തുടർന്ന് വീട്ടുകാരെ പൊലിസ് സ്റ്റേഷനിലേക്ക് വിളിപ്പിച്ചു. അച്ഛൻ ജോസ്‌മോൻ കുറ്റം സമ്മതിക്കുകയും ചെയ്തു. വഴക്കിനിടെ മകളുടെ കഴുത്തിൽ തോർത്ത് കുരുക്കി കൊലപ്പെടുത്തുകയായിരുന്നുവെന്നും സമ്മതിച്ചു. കൊലപാതകത്തിന് കാരണം മകൾ എയ്ഞ്ചൽ ജാസ്മിൻ രാത്രി പുറത്ത് പോകുന്നതിനെ ചൊല്ലിയുള്ള തർക്കമാണെന്ന് പ്രതി അച്ഛൻ മൊഴി നൽകി എന്നാണ് പൊലിസ് നൽകുന്ന വിശദീകരണം. മകൾ സ്ഥിരമായി രാത്രി പുറത്തു പോകുന്നത് പിതാവ് ചോദ്യം ചെയ്തിരുന്നു.

തുടർന്നുണ്ടായ തർക്കമാണ് കൊലപാതകത്തിൽ എത്തിച്ചത്. വഴക്കിനിടെ ജാസ്മിന്റെ കഴുത്തിനു കുത്തിപ്പിടിക്കുകയും തുടർന്ന് കഴുത്തിൽ തോർത്ത് മുറുക്കി കൊലപ്പെടുത്തുകയുമായിരുന്നു. മകൾ ഭർത്താവുമായി പിണങ്ങി വന്ന് വീട്ടിൽ കഴിയുന്നതുമായി ബന്ധപ്പെട്ടും വഴക്ക് ഉണ്ടാകാറുണ്ടായിരുന്നു. 

സംഭവ സമയത്ത് ജാസ്മിന്റെ അമ്മയും മുത്തശ്ശനും മുത്തശ്ശിയും വീട്ടിലുണ്ടായിരുന്നു. കൊലപാതകം വീട്ടിലെ അംഗങ്ങൾക്കും അറിയാമായിരുന്നു. പേടിച്ചു പോയ കുടുംബം വിവരം പുറത്തു പറയാതെ സാധാരണ മരണമായി ചിത്രീകരിക്കാൻ ശ്രമിക്കുകയായിരുന്നുവെന്നും പൊലിസ് പറയുന്നു. ഇക്കാരണത്താൽ കേസിൽ കൂടുതൽ പേരെ പ്രതി ചേർത്തേക്കും. 

In the murder case of Angel Jasmine, who was allegedly killed by her father in Omanappuzha, the mother and maternal uncle of the deceased have been taken into police custody. The two individuals in custody are mother Jessy and uncle Aloysius. Jessy was detained first, followed by Aloysius. Police suspect that Jessy tried to mislead the investigation and cover up the murder, while Aloysius is suspected of destroying evidence.