ടെക്സസ്: അമേരിക്കയിലെ ടെക്സസ് സംസ്ഥാനത്തുണ്ടായ വെള്ളപ്പൊക്കത്തിൽ 24 പേർ മരിച്ചതായി സ്ഥിരീകരിച്ചു. ഗ്വാഡലൂപ്പ് നദിക്കരയിലുള്ള  വേനൽക്കാല ക്യാമ്പിൽ പങ്കെടുത്തിരുന്ന 25 ലധികം പെൺകുട്ടികളെ വെള്ളപ്പൊക്കത്തിൽ കാണാതായതായി അധികൃതർ അറിയിച്ചു. കുടുങ്ങിക്കിടക്കുന്ന ചില കുട്ടികൾക്ക് സഹായത്തിനായി വിളിക്കാൻ കഴിയാത്ത അവസ്ഥയിലാണെന്നും ഉദ്യോഗസ്ഥർ വ്യക്തമാക്കി. 45 മിനിറ്റിനുള്ളിൽ ഗ്വാഡലൂപ്പ് നദി 26 അടി ഉയർന്നതായി പാട്രിക് വെളിപ്പെടുത്തി. മണിക്കൂറിൽ 12 ഇഞ്ചോ അതിൽ കൂടുതലോ മഴ ലഭിച്ചതാണ് ഈ വിനാശകരമായ വെള്ളപ്പൊക്കത്തിന് കാരണമായത്. ദുരിതബാധിത പ്രദേശങ്ങളിൽ വൈദ്യുതിയും ഇന്റർനെറ്റും ലഭ്യമല്ലെന്നും അദ്ദേഹം വ്യക്തമാക്കി.

ടെക്സസ് ഹിൽ കൺട്രിയിൽ ഉണ്ടായ വെള്ളപ്പൊക്കത്തെ "അസാധാരണവും ഭയാനകവുമായ ദുരന്തം" എന്ന് ഗവർണർ ഗ്രെഗ് ആബട്ട് വിശേഷിപ്പിച്ചു. രക്ഷാപ്രവർത്തനങ്ങൾക്ക് ആവശ്യമായതെല്ലാം ലഭ്യമാക്കുന്നതിന് അദ്ദേഹം അടിയന്തര പ്രഖ്യാപനത്തിൽ ഒപ്പുവച്ചു. പ്രസിഡന്റ് ഡൊണാൾഡ് ട്രംപ് ദുരന്തത്തെ "ഭയാനകം" എന്ന് വിശേഷിപ്പിക്കുകയും ഫെഡറൽ സഹായം വാഗ്ദാനം ചെയ്യുകയും ചെയ്തു.

രക്ഷാപ്രവർത്തനം തുടരുന്നു

ഇതുവരെ 237 പേരെ രക്ഷപ്പെടുത്തുകയോ മാറ്റിപ്പാർപ്പിക്കുകയോ ചെയ്തിട്ടുണ്ട്. 500-ലധികം രക്ഷാപ്രവർത്തകരെയും 14 ഹെലികോപ്റ്ററുകളെയും സ്ഥലത്ത് വിന്യസിച്ചിട്ടുണ്ടെന്ന് ലെഫ്റ്റനന്റ് ഗവർണർ ഡാൻ പാട്രിക് പറഞ്ഞു. "ടെക്സസ് ഹിൽ കൺട്രിയിലുടനീളം തിരച്ചിൽ, രക്ഷാപ്രവർത്തനങ്ങൾ നടക്കുന്നുണ്ട്. കാണാതായ കൗമാരക്കാരെ കണ്ടെത്തുന്നതിനാണ് ഇപ്പോൾ ശ്രദ്ധ കേന്ദ്രീകരിക്കുന്നത്," അദ്ദേഹം കൂട്ടിച്ചേർത്തു.

കാലാവസ്ഥാ മുന്നറിയിപ്പ്

ദേശീയ കാലാവസ്ഥാ നിരീക്ഷണ കേന്ദ്രം (NWS)  അപകടകരമായ കാലാവസ്ഥാ മുന്നറിയിപ്പ് പുറപ്പെടുവിച്ചു. "അമിത മഴ മൂലം വെള്ളപ്പൊക്ക സാധ്യതയുണ്ട്. മേഖലയിൽ 1 മുതൽ 3 ഇഞ്ച് വരെ മഴ പെയ്യാം, ചില പ്രദേശങ്ങളിൽ 5 ഇഞ്ച് വരെ മഴ ലഭിച്ചേക്കാം," എന്ന് NWS മുന്നറിയിപ്പും നൽകിയിട്ടുണ്ട്.

A devastating flood in Texas has claimed 24 lives, with up to 25 children missing from a Christian summer camp near the Guadalupe River. Described as an "extraordinary disaster" by Governor Greg Abbott, the state has deployed over 500 rescuers and 14 helicopters. President Trump called it "horrific" and pledged federal aid. Search and rescue efforts continue as the death toll may rise