തിരുവനന്തപുരം: ഭാരതാംബ വിവാദത്തെ തുടര്‍ന്നുള്ള കേരള സര്‍വകലാശാല അടിയന്തര സിന്‍ഡിക്കേറ്റ് യോഗം ഇന്ന്. രജിസ്റ്റാറെ സസ്പന്റ് ചെയ്ത വൈസ് ചാന്‍സ്ലറുടെ നടപടി സ്റ്റേ ചെയ്യാന്‍ ഹൈക്കോടതി വിസമ്മതിച്ചിരുന്നു. കേസ് ഹൈക്കടോതി തിങ്കളാഴ്ച വീണ്ടും പരിഗണിക്കാന്‍ ഇരിക്കെയാണ് ഞായറാഴ്ച തന്നെന യോഗം ചേരാന്‍ വിസി ഡോ സിസ തോമസ് തീരുമാനിച്ചത്.

ALSO READ: വയനാട് സി.പി.എമ്മിലെ പ്രശ്നം തെരുവിലേക്ക്; ലോക്കൽ കമ്മിറ്റി ഓഫിസിന് ഏരിയാ കമ്മിറ്റി പൂട്ടിട്ടു

വിവാദത്തിന്റെ പശ്ചാത്തലത്തില്‍ അടിയന്തരമായി യോഗം വിളിക്കണമെന്ന് ആവശ്യപ്പെട്ട് ഇടത് അംഗങ്ങള്‍ സിസ തോമസിന് കത്ത് നല്‍കിയിരുന്നു. ഇന്ന് രാവിലെ 11 മണിക്കാണ് സിന്‍ഡിക്കേറ്റ് യോഗം. രജിസ്റ്റാറെ സസ്‌പെന്റ് ചെയ്യാന്‍ വിസിക്ക് അധികാരമില്ലെന്നാണ് ഇടത് അംഗങ്ങളുടെ നിലപാട്.

രജിസ്ട്രാറെ നിയമിച്ച സിന്‍ഡിക്കേറ്റിന് മാത്രമാണ് അച്ചടക്ക നടപടികള്‍ സ്വീകരിക്കാനുള്ള അധികാരമെന്ന് ഒരു വിഭാഗം സിന്‍ഡിക്കേറ്റ് അംഗങ്ങള്‍ വ്യക്തമാക്കി. സസ്‌പെന്‍ഷന്‍ റദ്ദാക്കാനുള്ള നീക്കം ഇന്ന് ചേരുന്ന സിന്‍ഡിക്കേറ്റ് യോഗത്തില്‍ ചര്‍ച്ചയായേക്കുമെങ്കിലും, വിഷയം ഹൈക്കോടതിയുടെ പരിഗണനയിലായതിനാല്‍ തീരുമാനം കൈക്കൊള്ളാന്‍ കഴിയില്ലെന്നാണ് എതിര്‍വിഭാഗത്തിന്റെ നിലപാട്.

ALSO READ: ക്യാപ്റ്റനും മേജറുമല്ല, കർമഭടൻമാരാണ് കോൺഗ്രസിന് വേണ്ടത്: മുല്ലപ്പള്ളി

അഭിപ്രായ വ്യത്യാസം തുടരുന്ന സാഹചര്യത്തില്‍, വൈസ് ചാന്‍സലറും (വിസി) സിന്‍ഡിക്കേറ്റും ഹൈക്കോടതിയില്‍ പ്രത്യേകം സത്യവാങ്മൂലം സമര്‍പ്പിച്ചേക്കും. ഇന്നലെ സര്‍വകലാശാല ആസ്ഥാനത്ത് വിവിധ വകുപ്പുകളില്‍ പരിശോധനയ്‌ക്കെത്തിയ താല്‍ക്കാലിക വിസി ഡോ. സിസി തോമസിനെ ഇടത് സിന്‍ഡിക്കേറ്റ് അംഗങ്ങള്‍ തടഞ്ഞു. വകുപ്പുകളിലെ ഫയലുകള്‍ പിടിച്ചെടുക്കാന്‍ ശ്രമിച്ചുവെന്നാരോപിച്ചാണ് വിസിയെ തടഞ്ഞതെന്ന് ഇടത് അംഗങ്ങള്‍ വിശദീകരിച്ചു.