കുവൈത്ത് സിറ്റി: രാജ്യത്തെ 591 തെരുവുകളുടെ പേര് അക്കങ്ങള്‍ ഉപയോഗിച്ച് പുനര്‍നാമകരണം ചെയ്യാന്‍ തീരുമാനിച്ച് കുവൈത്ത്. പേര് നല്‍കിയിരുന്ന റോഡുകളും പൊതുസ്ഥലങ്ങളും ഘട്ടംഘട്ടമായി സംഖ്യാ ഐഡന്റിഫയറുകള്‍ ഉപയോഗിച്ച് ഏകീകൃതവും വ്യവസ്ഥാപിതവുമായ നാമകരണ സംവിധാനത്തിലേക്ക് 
മാറ്റുകയാണ് ലക്ഷ്യം.

ALSO READ: കുവൈത്ത് എക്സിറ്റ് പെർമിറ്റ് നയം; ജൂലൈ ഒന്നിനു ശേഷം നൽകിയത് 35,000 എക്സിറ്റ് പെർമിറ്റുകൾ

മുനിസിപ്പാലിറ്റിയുടെ ആക്ടിംഗ് ഡയറക്ടര്‍ ജനറല്‍ എഞ്ചിനീയര്‍ മനല്‍ അല്‍ അസ്‌ഫോര്‍ അധ്യക്ഷത വഹിച്ച കുവൈത്ത് നാമകരണ കമ്മിറ്റി യോഗത്തില്‍ സംരംഭത്തിന് ഔദ്യോഗിക അംഗീകാരം ലഭിച്ചു. 591 തെരുവുകള്‍ക്ക് സംഖ്യാ ലേബലുകള്‍ നല്‍കാനും, മൂന്ന് പ്രധാന തെരുവുകള്‍ക്ക് അറബ് തലസ്ഥാനങ്ങളുടെയോ നഗരങ്ങളുടെയോ പേര് നല്‍കാനും കമ്മിറ്റി തീരുമാനിച്ചതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

2025 മെയ് 20ലെ മന്ത്രിസഭാ തീരുമാനപ്രകാരം, തെരുവുകള്‍ക്കും പൊതുസ്ഥലങ്ങള്‍ക്കും വ്യക്തിഗത പേര് നല്‍കുന്നത് നിര്‍ബന്ധമായും സംഖ്യകളാക്കി മാറ്റണമെന്ന് നിര്‍ദേശിക്കുന്നു. കുവൈത്ത് ഭരണകുടുംബാംഗങ്ങളുടെയോ, സഖ്യകക്ഷി രാഷ്ട്രങ്ങളുടെ ഭരണാധികാരികളുടെയോ പേര് നല്‍കുന്നതിന് മാത്രമേ ഇളവ് അനുവദിക്കൂ. എന്നാല്‍, ഇത്തരം പേര് നല്‍കല്‍ കര്‍ശനമായ പരിശോധനയ്ക്കും പരസ്പര സഹകരണത്തിനും വിധേയമാക്കും.

ഭാവിയില്‍ വ്യക്തിപരമായ പേര് നല്‍കുന്നത് കര്‍ശനമായി പരിമിതപ്പെടുത്തുമെന്നും പുതിയതും നിലവിലുള്ളതുമായ റോഡുകള്‍ക്ക് ഏകീകൃത സംഖ്യാ സംവിധാനം നടപ്പാക്കുമെന്നും അധികൃതര്‍ വ്യക്തമാക്കി. ചരിത്രപരമോ നയതന്ത്രപരമോ ആയ പ്രാധാന്യമുള്ള സന്ദര്‍ഭങ്ങളില്‍ മാത്രമേ ഇളവുകള്‍ അനുവദിക്കൂ. വ്യക്തികളെ പരാമര്‍ശിക്കാത്ത നിലവിലുള്ള പേരുകള്‍ നിലനിര്‍ത്തുമെന്നാണ് പ്രതീക്ഷിക്കുന്നത്.

ALSO READ: കുടുംബങ്ങൾക്കും, വിനോദസഞ്ചാരികൾക്കുമെല്ലാം കൂടുതൽ സൗകര്യപ്രദം; പുതിയ ഇ-വിസ പ്ലാറ്റ്‌ഫോം അവതരിപ്പിച്ച് കുവൈത്ത്

നാമകരണ ചട്ടക്കൂടിന് മന്ത്രിസഭ ഔദ്യോഗിക അംഗീകാരം നല്‍കിയിട്ടുണ്ട്. ഭേദഗതികള്‍ അന്തിമ അംഗീകാരത്തിനായി മുനിസിപ്പല്‍ കൗണ്‍സിലില്‍ അവതരിപ്പിക്കാന്‍ മുനിസിപ്പല്‍ കാര്യ സഹമന്ത്രിയോട് നിര്‍ദേശിച്ചിട്ടുണ്ട്.

As part of a major urban planning initiative, Kuwait has announced the renaming of 591 streets across the country using numerical identifiers. The move aims to simplify navigation and improve address systems.