കൊച്ചി: ചാരവൃത്തി കേസിൽ അറസ്റ്റിലായ വ്ലോഗർ ജ്യോതി മൽഹോത്ര കേരളത്തിൽ എത്തിയത് സംസ്ഥാന സർക്കാരിന്റെ ക്ഷണ പ്രകാരം. സംസ്ഥാന ടൂറിസ്റ്റ് വകുപ്പാണ് ജ്യോതി മൽഹോത്രയെ ക്ഷണിച്ചത്. ഇതിലൂടെ കേരള ടൂറിസ്റ്റ് മേഖലയുടെ പ്രമോഷനായിരുന്നു ലക്ഷ്യം വെച്ചത്. 

ജ്യോതി മൽഹോത്ര ഉൾപ്പെടെ 41 ആളുകളെയാണ് ടൂറിസ്റ്റ് വകുപ്പ് കേരളത്തിൽ എത്തിച്ചത്. ടൂറിസ്റ്റ് വകുപ്പിന്റെ സോഷ്യൽ മീഡിയ പ്രമോഷന്റെ ഭാഗമായാണ് ജ്യോതി മൽഹോത്ര അടക്കമുള്ളവരെ എത്തിച്ചിരുന്നതെന്നാണ് വിവരവകാശ രേഖയിൽ നിന്നും വ്യക്തമായത്.

ഇവരുടെ യാത്ര ചെലവ്, ഭക്ഷണം, പണം ഉൾപ്പെടെ എല്ലാം ടൂറിസം വകുപ്പാണ് നൽകിയിരുന്നത്. കണ്ണൂർ, കോഴിക്കോട്, കൊച്ചി തുടങ്ങിയ തന്ത്രപ്രധാന മേഖലയയിലെല്ലാം ജ്യോതി മൽഹോത്ര സന്ദർശനം നടത്തിയിരുന്നു. 

ചരിത്ര സ്മാരകങ്ങൾ, ആരാധനാലയങ്ങൾ, കൊച്ചിൻ ഷിപ്പ് യാർഡ്, മട്ടാഞ്ചേരി, ഷോപ്പിംഗ് മാളുകൾ, മെട്രോ സ്റ്റേഷനുകൾ, തൃശ്ശൂർ കുത്താംപുള്ളി നെയ്ത്തു ഗ്രാമം, ആതിരപ്പള്ളി, തേക്കടി, കോവളം, മൂന്നാർ, തിരുവനന്തപുരം റെയിൽവേ സ്റ്റേഷൻ, ഇരവികുളം ദേശീയ ഉദ്യാനം, വർക്കല, കണ്ണൂർ കോഴിക്കോട് എന്നീ ജില്ലയിലെ വിനോദസഞ്ചാരകേന്ദ്രങ്ങൾ എന്നീ സ്ഥലങ്ങളിലെല്ലാം ജ്യോതി മൽഹോത്ര സന്ദർശനം നടത്തിയിരുന്നു എന്നാണ് ലഭിക്കുന്ന വിവരങ്ങൾ. 

The main accused in the espionage case is in Kerala his visit is at the invitation of the tourism department