മസ്‌കത്ത്: ഒമാനിലെ ബജറ്റ് എയര്‍ലൈനായ സലാം എയര്‍ മസ്‌കത്ത്-കോഴിക്കോട് റൂട്ടിലെ വിമാന സര്‍വീസുകള്‍ താല്‍ക്കാലികമായി നിര്‍ത്തിവെച്ചു. ജൂലൈ 7 മുതല്‍ ജൂലൈ 13 വരെയുള്ള എല്ലാ സര്‍വീസുകളും റദ്ദാക്കിയതായി കമ്പനിയുടെ വെബ്‌സൈറ്റില്‍ സൂചിപ്പിക്കുന്നു. യാത്രക്കാരുടെ എണ്ണം കുറവായതാണ് റദ്ദാക്കലിന് കാരണമെന്ന് ട്രാവല്‍ ഏജന്‍സികള്‍ അഭിപ്രായപ്പെട്ടു.

ALSO READ: ഒമാനിലെ ലബോറട്ടറിയിലുണ്ടായ വിഷവാതക ചോര്‍ച്ച നിയന്ത്രണവിധേയമാക്കി; അപകടത്തില്‍ ആളപായമില്ല

ജൂലൈ 14 മുതല്‍ വിമാന സര്‍വീസുകള്‍ പുനരാരംഭിക്കുമെന്ന് വെബ്‌സൈറ്റില്‍ കാണിക്കുന്നുണ്ടെങ്കിലും, സര്‍വീസുകള്‍ വീണ്ടും നിര്‍ത്തിവെക്കുമോ എന്ന ആശങ്ക യാത്രക്കാര്‍ക്കിടയില്‍ നിലനില്‍ക്കുന്നു. ഒമാനില്‍ നിന്ന് കേരളത്തിലേക്ക് സര്‍വീസ് നടത്തുന്ന പ്രമുഖ ബജറ്റ് എയര്‍ലൈനാണ് സലാം എയര്‍.

ALSO READ: മസ്‌കത്ത് വിമാനത്താവളത്തില്‍ അഞ്ചുകിലോ കഞ്ചാവുമായി ഇന്ത്യക്കാരനെ കൈയോടെ പൊക്കി കസ്റ്റംസ് | Video

സര്‍വീസുകള്‍ റദ്ദാക്കിയതോടെ, അടിയന്തര ആവശ്യങ്ങള്‍ക്കായി കേരളത്തിലേക്ക് യാത്ര ചെയ്യാന്‍ പദ്ധതിയിട്ടിരുന്നവര്‍ പ്രതിസന്ധിയിലായി. റദ്ദാക്കലുമായി ബന്ധപ്പെട്ട അറിയിപ്പുകള്‍ സലാം എയര്‍ യാത്രക്കാര്‍ക്ക് അയച്ചിട്ടുണ്ട്.

Salam Air has announced the suspension of its Muscat–Kozhikode flight services starting today, with operations expected to resume after July 13. Passengers are advised to check for alternative arrangements.