ദുബൈ: അര നൂറ്റാണ്ട് കാലത്തെ പ്രവാസ ജീവിതം മതിയാക്കി നാട്ടിലേക്ക് തിരിക്കുന്ന കെ.എം.സി.സി സഹയാത്രികരും വിവിധ അറബിക് കോളജുകളുടെയും സി.എച്ച് സെൻ്റർ ഉൾപ്പെടെയുള്ള സ്ഥാപനങ്ങളുടെയും അഭ്യുദയ കാംക്ഷികളുമായ
മൂസ ഹാജി എടവത്ത്, ഗഫൂര്‍ തയ്യിൽ ജുമൈറ എന്നിവർക്ക് ദുബൈ കെ.എം.സി.സി മലപ്പുറം ജില്ലാ കമ്മിറ്റി യാത്രയയപ്പ്‌ നൽകി. ജില്ലാ പ്രസിഡൻ്റ് സിദ്ദീഖ് കാലൊടിയുടെ അധ്യക്ഷതയിൽ കെ.എം.സി.സി ആസ്ഥാനത്ത് നടന്ന ചടങ്ങ് സംസ്ഥാന പ്രസിഡൻ്റ് ഡോ. അൻവർ അമീൻ ഉദ്ഘാടനം ചെയ്തു. ചടങ്ങിൽ ചെമ്മുക്കൻ യാഹുമോൻ, ബാബു എടക്കുളം, കെ.പി.എ സലാം, പി.വി നാസർ, കെ.പി.പി തങ്ങൾ എന്നിവർ പ്രസംഗിച്ചു. ജില്ലാ ഭാരവാഹികളായ ഒ.ടി സലാം, കരീം കാലടി, സക്കീർ പാലത്തിങ്ങൽ, മുജീബ് കോട്ടക്കൽ, ലത്തീഫ് തെക്കഞ്ചേരി, ഇബ്രാഹിം വട്ടംകുളം, ടി.പി സൈതലവി, ശരീഫ് മലബാർ, സിനാൽ മഞ്ചേരി സംബന്ധിച്ചു. മുഹമ്മദ് കമ്മിളി സ്വാഗതവും സി.വി അശ്റഫ് നന്ദിയും പറഞ്ഞു.