അഹമ്മദാബാദ്: ഗുജറാത്തിലെ വഡോദരയിൽ മഹിസാഗർ നദിക്ക് കുറുകെയുള്ള പാലം തകർന്ന സംഭവത്തിൽ ഗുജറാത്ത് സർക്കാരിന്റെ വൻവീഴ്ച. പാലം അപകടത്തിലാണെന്ന് മൂന്നുവർഷം മുമ്പ് തന്നെ ബോധ്യപ്പെട്ടിട്ടും നടപടിയെടുത്തില്ലെന്നാണ് ആക്ഷേപം. വർഷങ്ങളുടെ പഴക്കമുള്ള പാലത്തിൽ ചെറിയ അറ്റകുറ്റപ്പണി നടത്തി പിന്നെയും തുറന്നുകൊടുക്കുകയാണ് ഉണ്ടായത്. പുതിയപാലം പണിയാൻ തീരുമാനമായിട്ടും സർക്കാർ ആവശ്യമായ നടപടി എടുത്തില്ല.

1985 ൽ ഗതാഗതത്തിന് തുറന്നുകൊടുത്ത പാലമാണ് ഇന്നലെ രാവിലെ 7:30 ഓടെ തകർന്നുവീണത്. കാലപ്പഴക്കം കാരണം പാലം അപകടാവസ്ഥയിലാണെന്ന് നേരത്തെ തന്നെ പരാതി ഉയർന്നിരുന്നു. മൂന്നുവർഷം മുമ്പ് പാലത്തിന്റെ ചില ഭാഗങ്ങൾ ഇളകി മാറിയതോടെ പുതിയപാലം നിർമിക്കാൻ സർക്കാർ തീരുമാനമെടുത്തെങ്കിലും പിന്നീട് ഒരു നടപടിയും ഉണ്ടായില്ല. നിർമ്മാണം തുടങ്ങുകയോ അപകടാവസ്ഥയിലുള്ള പാലത്തിലൂടെയുള്ള ഗതാഗതം തടയുകയോ ചെയ്യാത്തത് ഗുരുതര വീഴ്ചയാണ്. 3 വർഷത്തിനിടെ ഗുജറാത്തിൽ 10 പാലങ്ങൾ തകർന്നിട്ടും സർക്കാർ അനങ്ങാതെ ഇരുന്നത് വലിയ വിമർശനത്തിന് ഇടയാക്കി. 

ALSO READ: താൻ നോബൽ സമ്മാനത്തിന് അർഹനെന്ന് അരവിന്ദ് കെജ്‌രിവാൾ

പാലം തകർന്നുവീണ് 10 പേരാണ് മരിച്ചത്. ദുരന്തത്തിൽ ബിജെപി സർക്കാരിനെതിരെ പ്രതിപക്ഷ പാർട്ടികൾ രൂക്ഷ വിമർശനവുമായി രംഗത്ത് വന്നു. പൊള്ളയായ 'ഗുജറാത്ത് മോഡൽ' അഴിമതിയുടെ മറ്റൊരു പേരാണെന്ന് കോൺഗ്രസ് നേതാവ് സുപ്രിയ ശ്രീനാതെ ആരോപിച്ചു. ഇന്നലെ രാവിലെ പദ്രയിലുണ്ടായ അപകടത്തിൽ രണ്ട് ട്രക്കുകൾ, ഒരു എസ്‌യുവി, ഒരു പിക്കപ്പ് വാൻ, ഒരു ഓട്ടോറിക്ഷ എന്നിവയടക്കം അഞ്ച് വാഹനങ്ങളാണ് നദിയിലേക്ക് മറിഞ്ഞത്. 

കോൺഗ്രസ് സംഭവത്തെ 'ദുരന്തകരമായ സംഭവം' എന്ന് വിശേഷിപ്പിച്ച് ഇരകൾക്ക് അനുശോചനം രേഖപ്പെടുത്തി. പാലം കുലുങ്ങുന്നുണ്ടെന്നും തകർച്ചയുടെ വക്കിലാണെന്നും നാട്ടുകാർ നിരന്തരം പരാതിപ്പെട്ടിരുന്നതായി പാർട്ടി ചൂണ്ടിക്കാട്ടി. നവീകരണത്തിനായി വൻതുക ചിലവഴിച്ചിട്ടും പാലം തകർന്നു. ബിജെപി സർക്കാർ കരാറുകാർക്ക് വർക്ക് ഓർഡർ നൽകുന്നതിന് മുമ്പ് കമ്മീഷൻ വാങ്ങുന്നു, ഇതാണ് ഗുണനിലവാരമില്ലാത്ത നിർമാണത്തിന് കാരണമെന്നും കോൺഗ്രസ് ആരോപിച്ചു.

ALSO READ: ഗുജറാത്ത് വഡോദരയിൽ പാലം തകർന്ന് വാഹനങ്ങൾ നദിയിൽ വീണു

ഗുജറാത്തിൽ പാലങ്ങൾ, റോഡുകൾ, ട്രെയിനുകൾ എന്നിവയുമായി ബന്ധപ്പെട്ട അപകടങ്ങൾ ആവർത്തിക്കുമ്പോഴും ബിജെപി സർക്കാർ നടപടിയെടുക്കുന്നില്ലെന്ന് മഹുവ മൊയ്ത്ര ആരോപിച്ചു. എന്നാൽ, കൻവാരിയ റൂട്ടുകളിലെ ഭക്ഷണശാലകളുടെ പേര് പറഞ്ഞും നിയമാനുസൃത തൊഴിലാളികളെ പൂട്ടിയിട്ടും ബിജെപി മുന്നോട്ടുപോകുന്നുവെന്ന് അവർ പരിഹസിച്ചു. 

മരിച്ചവരുടെ അടുത്ത ബന്ധുക്കൾക്ക് പ്രധാനമന്ത്രിയുടെ ദേശീയ ദുരിതാശ്വാസ നിധിയിൽ നിന്ന് 2 ലക്ഷം രൂപ വീതവും പരുക്കേറ്റവർക്ക് 50,000 രൂപ വീതവും ധനസഹായം പ്രഖ്യാപിച്ചിട്ടുണ്ട്. അതേസമയം, അപകടത്തിന്റെ പശ്ചാത്തലത്തിൽ റോഡുകളുടെയും പാലങ്ങളുടെയും വകുപ്പ് സെക്രട്ടറിയോട് മുഖ്യമന്ത്രി ഭൂപേന്ദ്ര പട്ടേൽ റിപ്പോർട്ട് തേടി. അപകടത്തെക്കുറിച്ച് 10 ദിവസത്തിനകം കളക്ടർ റിപ്പോർട്ട് സമർപ്പിക്കും. 

The bridge collapse over the Mahisagar River in Vadodara, Gujarat, has exposed a serious failure on the part of the Gujarat government. Allegations state that officials were aware of the bridge’s unsafe condition as early as three years ago, yet no substantial action was taken to prevent a disaster.